هى دى الرومانسيه

هند ومحمد واقفين في عز الضهر علي الكوبري

هند: "برومانسية" شايف النجوم يا محمد

محمد: نجوم ايه بس في عز ...الضهر دا أنا الشمس حرقت قفايا
......
هند: الله يامحمد بص السحابة اللي هناك دي اللي عليها العصافير

محمد: لا والله ياحبيبتي أنا مش شايفها بس شايف دخان عربيات خنقني

هند: يووووووووووووه يا محمد خليك رومانسي شوية

محمد: رومانسي إيه بس وأنتي مخرجاني في عز الضهر كده أنا الشمس كلت وشي وقالت أنا شبعت

هند: انت مش بتحبني والا ايه

محمد: ياستي بحبك

هند: لأ انت كذاب انت مش بتحبني

محمد: يعني أولع في نفسي بجاز عشان تصدقي اني بحبك

هند: "والدموع علي خدها" لا يا محمد أنت تغيرت خالص

محمد: ياحبيبتي والله بحبك

هند: لأ يا محمد متصلحش اللي أنت عملته

محمد: وهو أنا كنت عملت إيه بس

هند: " تعيط" اهئ اهئ اهئ

محمد: بتعيطي ليه دلوقت

هند: أحمد طلقني يا محمد

محمد: هو احنا لسة اتجوزنا عشان اطلقك

هند: يعني كمان مش عايز تطلقني

محمد يشد في شعره: يادي الليلة السودا أنا ايه اللي خرجني بس

هند: كمان خليتها ليلة سودا.. يعني أنا اللي خرجتك غصب عنك

محمد: ياستي مش قصدي. بصي أنا مش هرد عليكي عشان مانتخانقش

هند: للدرجة دي قرفان مني

محمد: "وشه يحمر من الغيظ" يعني انتي عايزة تتخانقي وخلاص

هند: يعني أنا نكدية يا محمد

محمد: لأ...... أنا

هند: انت بتاخدني علي اد عقلي

محمد: حقك عليا وادي رأسك ابوسها

هند: ياسلام كده بكل بساطة

فجأة يقف محمد علي سور الكوبري ويرمي نفسه في الميه

هند: تفتكر يا محمد اني كده هسامحك