Cairo9 | كايرو



 كلمات جميع قصائد هشام الجخ مكتوبة - متجدد Addthi10 كلمات جميع قصائد هشام الجخ مكتوبة - متجدد Email10 كلمات جميع قصائد هشام الجخ مكتوبة - متجدد Printe10

كلمات جميع قصائد هشام الجخ مكتوبة - متجدد

magico
magico
 كلمات جميع قصائد هشام الجخ مكتوبة - متجدد Empty


 كلمات جميع قصائد هشام الجخ مكتوبة - متجدد Clock11 السبت 1 يونيو 2013 - 0:13
كلمات جميع قصائد هشام الجخ مكتوبة - متجدد

.


القصيدة الاولي
(جحا)
عن حال مصر

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه

بتكرهينى عيونك السودة
وأيامى اللى فاتت
مانتيش حبيبيتى من النهاردة
حبيبنتى ماتت

علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة

كل الكلام اتقال
والشعر بقى ماسخ
والصبر علو جبال
والظلم شىء راسخ
وطن وغرقان فى النطاعة
كل شىء ريحته نطاعة

علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين

وابكى على حلمى اللى تاه
بس مش هاشحت رغيف
هاشحت وطن لله





ضع تعليقك :///////////////////////////////////////////////////////////////////////////////////////////////////




الموضوع الأصلي : كلمات جميع قصائد هشام الجخ مكتوبة - متجدد // المصدر : Cairo9 // الكاتب: magico




عدل سابقا من قبل magico في الأربعاء 6 أغسطس 2014 - 0:56 عدل 2 مرات
magico
magico
 كلمات جميع قصائد هشام الجخ مكتوبة - متجدد Empty


 كلمات جميع قصائد هشام الجخ مكتوبة - متجدد Clock11 السبت 1 يونيو 2013 - 0:13
كلمات جميع قصائد هشام الجخ مكتوبة - متجدد

.


القصيدة الثانية
(البغبغان)

كان يوم مَطَر ..
البغبغان جُوَّا القَفَص طَلَّع لِسانُه لعصفورين فوق الشجر ..
خَلِّيكو سايقين العناد ..
العِشّ قاد ..
وخسِرتُو ويَّاه الولاد .. لَـمَّا انفَجَر ..
هو انتو حِمْل السِيل ؟؟ ولا حِمْل المطر ؟؟
كان فيها إيه لو تِعْمِلُوا زيِّي وتقولوا زَيّ ما يقول البَشَر ؟؟..

ردُّوا علِيه العصفورين : لَوْ عَ الوِلاَد .. البَطْن ولاَّدة ..
والعِشّ مَهْمَا يقِيد ..
صخر الجبل عَنَاقِيد ..
نِفْرِشْهَا سِجَّادة ..
وانتَ اللي فرحان بالقَفَـص ..
أصْلَـك ( قَفَص ) !!..
كَتَمُوا الهوا جُوَّاك و نَسُّوك ان ما بين الحياة والموت .. نَفَس ....





ضع تعليقك :///////////////////////////////////////////////////////////////////////////////////////////////////




الموضوع الأصلي : كلمات جميع قصائد هشام الجخ مكتوبة - متجدد // المصدر : Cairo9 // الكاتب: magico


magico
magico
 كلمات جميع قصائد هشام الجخ مكتوبة - متجدد Empty


 كلمات جميع قصائد هشام الجخ مكتوبة - متجدد Clock11 السبت 1 يونيو 2013 - 0:14
كلمات جميع قصائد هشام الجخ مكتوبة - متجدد

.

القصيدة الثالثة

(نادية)
وبقولها يا نادية ونادية ونيدية
وصحكة فقلبى منيسة
وربى لولا متربى
ماقولك غير يا غازية
يا ناعسة
نعاس الليل على شعرك بنى بيوته
وحط الطوب وانا ايوب ومش صابر
كلامك وقف اللحن القديم وجددنى
وشد ربابة الشاعر
لانى بيرم ولا حداد ولا جابر
كفاية الليل ملكتينى
مفيش فالشمس جنية ...ياغازية
كفاية الحب عاشقينه
ولسعة حبك المولود بتسحرنى
انا ... اللى نسيت بنات الدنيا فوق رمشك
ما عايز غير اشوف وشك
بيضحكلى بالوانه وتفانينه
ادينا بقينا عاشقينه
ومساكينه ومساجينه ومجانينه
وحبيتك بصوت الناى وصوت الطار
وضرب النار وبراكينه
لو الواد اللى جلبك مالله كان فارس
انــــا عنتـــر
ولو عاوزاه يكون رقاص
... اكون من بكرة
غــــــــــازية
يا صدقى وسهرى وغنايا
يا غنـــاية
ياريتنى اموت فجبانتك
او ابقى حتة فلبانتك
تبلينى وترمينى فارجعلك
اللزق نفسى فى نعلك
واحبك يكش تكرهى لقايا





ضع تعليقك :///////////////////////////////////////////////////////////////////////////////////////////////////




الموضوع الأصلي : كلمات جميع قصائد هشام الجخ مكتوبة - متجدد // المصدر : Cairo9 // الكاتب: magico


magico
magico
 كلمات جميع قصائد هشام الجخ مكتوبة - متجدد Empty


 كلمات جميع قصائد هشام الجخ مكتوبة - متجدد Clock11 السبت 1 يونيو 2013 - 0:14
كلمات جميع قصائد هشام الجخ مكتوبة - متجدد

.


القصيدة الرابعة
(اباتشي)

حبيت تدوس أرضي..أرضي محبتشي

حتبات هنا الليلة..بكرة محتبتشي

حمِّل قنابلك هات..كيِّل وحمِّل لي

راح اموت .. ووقت ما اموت .. عيِّل يكمّل لي

معناش سلاح م اللي

ولا طيارات م اللي

والبندقية اللي في ايدي حيالله كام مللي

بسمِّي وبصلِّي

بصيد بيها .. أباتشي





ضع تعليقك :///////////////////////////////////////////////////////////////////////////////////////////////////




الموضوع الأصلي : كلمات جميع قصائد هشام الجخ مكتوبة - متجدد // المصدر : Cairo9 // الكاتب: magico


magico
magico
 كلمات جميع قصائد هشام الجخ مكتوبة - متجدد Empty


 كلمات جميع قصائد هشام الجخ مكتوبة - متجدد Clock11 السبت 1 يونيو 2013 - 0:14
كلمات جميع قصائد هشام الجخ مكتوبة - متجدد

.


القصيدة الخامسة
(مزحوم يا قطار الغلبانين)
مزحوم يا قطر الغلبانين .. وحنشكي مين؟
واخدين على صوت الانين .. لينا سنين

متعلمين الطاعة .. من قبل الصلا
ويا إما نبقى بضاعة .. يا إما المقصلة

والجُبن وسط الجواعة .. قيمة مأصّلة

وآدي الحكاية مفصّلة.. بس اللي يسمع مين





ضع تعليقك :///////////////////////////////////////////////////////////////////////////////////////////////////




الموضوع الأصلي : كلمات جميع قصائد هشام الجخ مكتوبة - متجدد // المصدر : Cairo9 // الكاتب: magico


magico
magico
 كلمات جميع قصائد هشام الجخ مكتوبة - متجدد Empty


 كلمات جميع قصائد هشام الجخ مكتوبة - متجدد Clock11 السبت 1 يونيو 2013 - 0:15
كلمات جميع قصائد هشام الجخ مكتوبة - متجدد

.


القصيدة السادسة
(مش كفايا)
طياراتكم مش كفاية
والمدافع مش كفاية
والقنابل والحصار
والحرايق والدمار
والدموع فى عيون صغار
والجناين تبقى نار

مش كفاية

لو عايزِنى مرة أخضع .. غيرونى
شوفوا يمكن لو ده ينفع .. بدلونى

ولما ما تلاقوليش طريقة
واجهوا لو مرة الحقيقة
واقروا من قرآنى آية
تفهموا أصل الحكاية
إنى بضحك عل القنابل
موتة جاية وقلبى قابل
تعرفوا
إن القنابل والمدافع والشظايا
والسلاح اللى معاكو و مش معايا
مش كفاية

موتونى ألف مرة
غصب عنكم بلادى حرة

وللنهاية كلمة بكتبها بدمايا
للى يستشهد ورايا
إن ثمن الجنة ديا
لو حياتك .. مش كفاية





ضع تعليقك :///////////////////////////////////////////////////////////////////////////////////////////////////




الموضوع الأصلي : كلمات جميع قصائد هشام الجخ مكتوبة - متجدد // المصدر : Cairo9 // الكاتب: magico


magico
magico
 كلمات جميع قصائد هشام الجخ مكتوبة - متجدد Empty


 كلمات جميع قصائد هشام الجخ مكتوبة - متجدد Clock11 السبت 1 يونيو 2013 - 0:15
كلمات جميع قصائد هشام الجخ مكتوبة - متجدد

.


القصيدة السابعة
(مبتحلش)
شكلك وحش ف الامتحان
قاعد مبتحلش
كل العقد متربطه وانت مبتحلش
رغم السوال واضح والحل من جواك.
اسال شريعه النبى هى اكيد حلاااه
مرااااااات اخوك لو قمر
كرهااه سوى حباه
وحتى ولو سيباااه.... برضك مبتحلش





ضع تعليقك :///////////////////////////////////////////////////////////////////////////////////////////////////




الموضوع الأصلي : كلمات جميع قصائد هشام الجخ مكتوبة - متجدد // المصدر : Cairo9 // الكاتب: magico


magico
magico
 كلمات جميع قصائد هشام الجخ مكتوبة - متجدد Empty


 كلمات جميع قصائد هشام الجخ مكتوبة - متجدد Clock11 السبت 1 يونيو 2013 - 0:16
كلمات جميع قصائد هشام الجخ مكتوبة - متجدد

.

(سري جدا الي البحر)
سِرى جِدَاً إِلَى البَحر

وبَقُولُه يَا بَحر ليه المُوج فِى عِز الهُوج مَابِيخَلِصْش

و المِلح سَد وِدَانَك ودَانَك لَجل مَاتخَلِصش

يَا بَحر كَام ألف بِت زَغزَغت رِجلِيهُم

ورَفَعت عَنهَا الحِجَاب ولَزَقت فُستَانهَا بالعَانِى عَلَى ضَهرَهَا

وجَرَحت رِجْل الوَاد اللى جِرِى فِى ضَهرَهَا

وعَمَلت مِلحَك دَوَاَ واللى جِرَاحُه هَوَى

مَالهُوش طَبِيب غِيرَك

طَب لِيه بِتبخَل عَلَيَا

مَع إِن " نَـــــانَـــــا " صَبِيَه

زَغزَغت رِجلِيهَا ورَفَعت عَنهَا الحِجَاب

ولَزَقت فُستَانهَا بالعَانِى عَلَى ضَهرَهَا

ودَبَحتِنِى فِى مَهرَهَا ودَفَعتِلَك رَاضِى

خَلِيتلِى حُبِى قَضِيَه وعَمَلتِلِى قَاضِى

وكَوِيت بِملحَك جَرحِى كِيف الدَبْح

مِن مِيتَى يَا بَحر الِجرَاح بطِيب بِحَبِة مَلح

و أنا أصلِى واخد ع الـوَجَّع ..

و أمَّا الجِـرَاح بتْصِيـب جَـدَّع ..

بيصِير وجَعْهَا بــــ مِيت وَجَّع

تعرف يا بحر الـ ميت وَجَّع ..

وَجَّع اللى حَبيِتهَا وسَابِتنى

وَجَّع اللى بعنِيها سَابِتنى ..

وَجَّع اللى عَمَلِت مِنى رَمل فى قَعر جُوفَك رسَّبتنى ..

و تُسعُمِيت مِليُون وَجَّع للذكرَيَات ..

أصْل المحبه يا بحر مِش فَتره وتِعَدى

دِى عُمر شَايِل صُوت هِزَارِى و غُلب جَدّى ..

فِكر طَايِح يُوم يِجيب و شُهور يِوَدِّى ..

و تُسعُمِيت مِليُون وَجَّع ..

عَدَد المحَاره و الوَدَع

عَدَد الكَلام مِن بِين شَفَايِفهَا الجُمَال

عَدَد الشَمَاسِى و الكَرَاسِى و البَنَات ..

عَدَد الرِمَال عَدَد المطَر يا أبو قَلب أقسَى مِن الحَجَر ..

كُل اللى فَاكرِينَك بتجَمَّع للحَبَايِب شَملُهم ...

عَـــــــــــــالَــــم بَـــــــــــقَــــــــــــــــــــــــرْ

مَا أنَا جِبتَهَالَك .. مِشْ جِبتَهَالَك ؟ ..

شَهِد الشَمس اللى لِسّه سَمَارهَا فُوق ضَهرِى تِقُولَك

إِنى يَا بَحر إِئتَمَنتَك جِبتَهَالَك

ولا لِيه شَهِد رِمَالَك

عَلِّى صُوتَك سَمَّع الرَمل اللى مَدبُوح مِن قَسَاوتَك

وإِندَاهُه و إِن كَان يِجَاوِب إسألُه

فِين قُصُور الوَاد دَاهُه

هيقُولُولَك ما إنت يا بَحر اللى هَدِيتهَا

وسَوِيتهَا بِبَاقِى الشَط

هيقُولُولَك هُوَ هُوَ المُوج يا بَحر

زَى مَا جَمَّع حَبَايِب زَى ما كَسَر قُصُور

بَس النُوبَه دِى يا بَحر مُوجَك القَاسِى كَسَرنِى

هُوَ أَنا نَاقِص كُسُور

لَو تِعَرِينى يَا بَحر تِلقَى جُوَايَا بَنَات مَالْهَا عَدَد

ولَا إِتكَسَرتِش

زَى مَا تقُول جِسمى نَحَس مِن الحَريِم وبَقِيت وَتَـــدّ ..

بس النُوبَه دِى مَاإنتَصَرتِش

بَعتِرفلَك يَا هَوَى البَحر إِنى مَغلُوب النُوبَه دِى

بَس خَلِيك وَاعِى دَايماً و إفتِكِر مِين اللى بَادى

ومِن اللِيلادِى لا إِنتَ صَاحبِى ولا أعرِفَك

إِيَاك تِشُوفنِى بِبِنتْ حِلوَه وتُطلُب إِنى أعَرِفَك

صَبرَك عَلَيا

و هـ اكشِفَك و هــ جرِسَك و هـ جَرِفَك و هـ جَوِفَك و هـ كَتِفَك

كِيِفْ الذَلِيل

مِن اللِيلادِى سَمَاك يَا بَجر هتِبقَى لِيل

مِن اللِيلادِى هـ أطفِى شَمسَك و أطمِس الدُنيَا ونَهَارهَا

" نَـــــانَـــــا " مَـــــاتِـــــت

بَس فَاضِل لِسَه نَارهَا

و العَزَا عَالِق مَا بِينِى و بِينَك إنتَ

والله مَا هَقبَل عَزَاك

قَبل مَاخُد بإيدِى

تَــــــــــــــــــــــــــارهَـــــــــا





ضع تعليقك :///////////////////////////////////////////////////////////////////////////////////////////////////




الموضوع الأصلي : كلمات جميع قصائد هشام الجخ مكتوبة - متجدد // المصدر : Cairo9 // الكاتب: magico


ﻣﺤﻤﺪ محمد
ﻣﺤﻤﺪ محمد
 كلمات جميع قصائد هشام الجخ مكتوبة - متجدد Empty


 كلمات جميع قصائد هشام الجخ مكتوبة - متجدد Clock11 الأربعاء 2 أكتوبر 2013 - 12:50
كلمات جميع قصائد هشام الجخ مكتوبة - متجدد

.

ﺗﺴﻠﻢ ﻋﻠﻰ المجهود





ضع تعليقك :///////////////////////////////////////////////////////////////////////////////////////////////////




الموضوع الأصلي : كلمات جميع قصائد هشام الجخ مكتوبة - متجدد // المصدر : Cairo9 // الكاتب: ﻣﺤﻤﺪ محمد


كلمات جميع قصائد هشام الجخ مكتوبة - متجدد

استعرض الموضوع التالي استعرض الموضوع السابق الرجوع الى أعلى الصفحة
صفحة 1 من اصل 1
خدمات الموضوع
 KonuEtiketleri كلمات دليليه
كلمات جميع قصائد هشام الجخ مكتوبة - متجدد , كلمات جميع قصائد هشام الجخ مكتوبة - متجدد , كلمات جميع قصائد هشام الجخ مكتوبة - متجدد , كلمات جميع قصائد هشام الجخ مكتوبة - متجدد , كلمات جميع قصائد هشام الجخ مكتوبة - متجدد , كلمات جميع قصائد هشام الجخ مكتوبة - متجدد
 KonuLinki رابط الموضوع
 Konu BBCode BBCode
 KonuHTML Kodu HTMLcode
إذا وجدت وصلات لاتعمل في الموضوع او أن الموضوع [ كلمات جميع قصائد هشام الجخ مكتوبة - متجدد ] مخالف ,, من فضلك راسل الإدارة من هنا
صلاحيات هذا المنتدى:لاتستطيع الرد على المواضيع في هذا المنتدى
Cairo9 | كايرو :: القسم الادبى [ Section literary ] :: خواطر و اشعار | Thoughts & and notice-

كلمات جميع قصائد هشام الجخ مكتوبة - متجدد

كلمات جميع قصائد هشام الجخ مكتوبة - متجدد


َ

مقالات تهمك ايضا