اولا السلام عليكم
وحشتونى خالص الكام يوم دول
عايزة احكيلكم على حاجه حلوة قوى انا مدخلتش على المنتدى بقالى تقريبا اسبوعين لكن اللى حصلى فى الاسبوعين دول ما حصليش فى عمرى كله
جرانا فى العماره واحده ست عجوزة يعنى تاجى كدا فوق الستين (ما علينا) المهم الست دى عندها ولدين تؤام واحد اسمه احمد وواحد اسمه محمد هما اكبر منى بيجى سنتين وشويه وبصراحه دى اول مرة اكلمهم فيها او بالاخص محمد
محمد بقى دا يا جماعه مشكله لوحده
مامتهم دى الست العجوزة يعنى جوزها مات والولاد دول عندهم يجى 3 سنين ست مكافحه يعنى صحيح هما فقرا قوى بعد ما باباهم الله يرحمه اتوفى الا انها ربتهم وعلمتهم ودلوقت هما فى بكالريوسات احمد فى اداب ومحمد فى 3 هندسه بسم الله مشاء الله ولأن مصاريف محمد كتير اضطر انه يشتغل وعشان احمد مايحسسهوش بفرق اشتغل هو كمان يعنى الصبح فى الجامعه بعد الظهر مذاكرة باليل شغل والحال زى الفل انما حصلت حاجه غريبه قوى
من حوالى اسبوعين الست دى جات لماما معيطه
فيه ايه طلع قال ايه محمد عايز يبيع مامته
نعم.... والله انا بتكلم بجد قال ايه قرر انه يبيع ما مته عشان سمعمن واحد زميله فى الجامعه انه هيبيع عربيته القديمه بسعر كويس لانها قدمت قوى ومبقتش شغاله فالى حصل ان جاتله فكرة انه يبيع مامته ودينه عشان بيشتموا فيه وبلده عشان فيها مشاكل كتير ويمشى خالص يشوفله بلد تانى ودين تانى وام تانيه ترعاه ومتخليهوش يشتغل من وهو فى الجامعه
انا قلت الواد اتجنن رسمى لكن اللى حصل غير كدا
الواد طلع وروق وعلقه فى كل حته هيبيع مامته ودينه واسمه مقابل اسم ودين وبلد وام تانيه مقايضه يعنى
فييييييييييييييييييييييييييييييييييين اخيرا فهمته
دا نوع من الاحتجاج يا جماعه
يعنى هو بيقول بصراحه لو البلد دى مش بتعتى وانا كل ما اقول كلمه ادخل المعتقل (دخل المعتقل 4 مرات عشان معارضه ) يبقى البلد دى مش بتاعتى وبما ان محدش راضى يسمعه ويقول لأ للفساد لأ لمبارك تبقى فعلا فيه ديمقراطيه تبقى القضيه خسرانه يبقى هو هيبيع هيبيع البلد اللى بتتنازل على حقوقها والشعب اللى مطاطى لحد ما الريح تعدى والدين اللى كل يوم والتانى شتيمه فيه من غير حتى ما نعترض ونقول كفايه والام اللى مش قادرة تصرف ولا حتى تتحرك وبقيوا يعايروه بيها لانها فقيرة
وبصراحه كدا ما احنا كلنا بايعين عشان ساكتين هى مش البلد دى بلدنا ولا اغنيه بنغنيها وخلاص لازم يكون فيه حل وجزرى وسريع قبل ما نضيع اكتر ما احنا ضايعين
الحقونا يا جماعه ادى اول واحد قال هبيع يا ترى مين معاه عايز يبيع وبكام عشان نعرف بس
ارجوا انى مكونش عكننت عليكوا انا حاولت اخلى فى الموضوع فكاهه شويه لكن مقدرتش المراره اللى حاسه بيها منعتنى انى اضحك
يارب الموضوع يعجبكم ويبقى فيه حد سامعنى يا ريت حد يسمعنى
السلام عليكم


منقووووووووووووووووووووووووووووووول