طريقة عمل كفتة اللحم بالأرز

مساء الخير عليكم ياجماعة يارب تكونوا بخير

ان شاء الله احنا النهاردة هنعمل مع بعض طبق كفتة اللحم بالأرز .

يارب تعجبكم ............

كفتة اللحم بالأرز

المقادير :

نصف كيلو لحم مفروم

ملعقتين كبيرة بقدونس مفروم

كوب أرز مطحون

ملعقتين كبرة ثوم مفروم

اتنين كوب عصير طماطم

سمن للتحمير

ملح – فلفل – كمون – بصلة متوسطة مفرومه

طريقة التحضير :

نقدح 2 ملعقة سمنه ونحمر فيها ملعقة واحده من الثوم المفروم

وبعد كدا نضيف للثوم المحمر عصير الطماطم ونسيبه على النار لحد ما تتسبك ونضيف طبعا الملح والفلفل حسب الطلب ونسيبها بعد كدا على جنب

نخلط اللحم المفروم مع الأرز المطحون وباقى الثوم المفروم والبصلة المفرومة ونقلب الخليط جيدا حتى يمتزج جيدا ويتبل بالملح والفلفل والكمون ويضاف عليهم البقدونس المفروم

ونضعها فى العجانه أو ندقها بالهون أو بالإيد كإننا بنعجنها لحد ما تكون قطعه واحدة متجانسه وناعمه ( مش بتفرفت)

نشكل الكفته على شكل صوابع ثم نحمرها فى السمن أو الزيت ( حسب الرغبه) وبعد ما نخلص الكميه كلها نضيف الكفته للصلصة الى إحنا عملناها فى الأول ونسيبها تغلى على النار لمدة ربع ساعه أو لحد ما تستوى كويس وتقدم . وبالهنا والشفا

ياريت تبقوا تجربوها وتقولولى رأيكم إيه؟

ان شاء الله المره الجايه (بكره )هنعمل الكبسه على الطريقة المصرية

يارب تكون عجبتكم أكلتنا النهاردة

(أى استفسار أنا متواجد اليوم لحد الساعه 1 صباحا )سيب رسالتك وأنا هجاوب عليها علطول .

الشيف / يوسف

ضع تعليقك :///////////////////////////////////////////////////////////////////////////////////////////////////

الموضوع الأصلي : طريقة عمل كفتة اللحم بالأرز // المصدر : Cairo9 // الكاتب: الشيف يوسف

طريقة عمل كفتة اللحم بالأرز

.

تسلم الايادي يا شيف بجد تحفه
انا هجربها
وهقولك عليها
بس بجد تسلم الايادي
في انتظار ابدعاتك

ضع تعليقك :///////////////////////////////////////////////////////////////////////////////////////////////////

الموضوع الأصلي : طريقة عمل كفتة اللحم بالأرز // المصدر : Cairo9 // الكاتب: ????

طريقة عمل كفتة اللحم بالأرز

.

بجد هايل جدا ياشيف تسلم الأيادى

انا علفكرا أخد الطريقة وعملوها النهاردة فى البيت بجد أكتر من روعه ممتازه جدا تصدق انها عجبت حماتى وحماتى دى انت متعرفهاش دا مش بيعجبها العجب

لما هى بقى تشكر فيها يبقى ايه بقى مدى روعة الأكل يارب تقدملنا كل جديد

بس انا كان عندى شويه طلبات معلشى أنل هتقل عليك

كان نفسى أعرف إزاى نعمل البسطرمه فى البيت ( طريقة صنعها )

وطريقة عمل البرجر زى الى بره بظبط

طلبى أنا بقى طريقة عمل كيكة الأبرا الفرنسية الفاخرة بالبيت

لانى بجد كل ما بحب أكلها بروح فى أماكن معينه والمشكله انى مش بعرف بسبب شغلى

معلشى طلباتى كتير أوى بس استحملنى

وبجد شكرا تانى مره على الأكله الجميله دى.

ضع تعليقك :///////////////////////////////////////////////////////////////////////////////////////////////////

الموضوع الأصلي : طريقة عمل كفتة اللحم بالأرز // المصدر : Cairo9 // الكاتب: سامح دويدار

طريقة عمل كفتة اللحم بالأرز

.

بجد شكرا ليكم كلكم على كلامكم الجميل

شكرا ليكى ياقمر وشكرا ليك ياسامح والحمد لله انها عجبت حماتك احنا كلنا عارفين الحموات

أما بالنسبه لأسئلتك فمن عنيا هجاوبك عليها دلواتى

بالنسبة لطريقة صنع البسطرمة

المقادير :

1كيلو لحم قطعة واحدة - كوب ملح - فلفل أسود

بهارات عاديه - تمن كيلو حلبة مطحونه

2 ملعقة كبيرة ثوم مفروم

الطريقة :

نأخد قطعة اللحم ونعمل فيها شقوف من غير ما نقطعها خالص ونحشى الشقوق دى بالملح ونرش عليها من الخارج

وبعدين نلفها بقطعه من القماش ونضغط عليها ونضع عليها ثقل ونسيبها لمدة 24 ساعة

بعد كدا نغسلها بالماء كويس جدا من الخارج وداخل الشقوق وتعلق فى الهواءمدة يوم كامل (( طبعا فى مكان نظيف ومفيش فيه أتربه أو حشرات ))

نقوم بعد كدا بخلط الثوم مع الحلبة وقليل من الملح والفلفل والبهارات العاديه ( أى بهارات متوفره بالبيت )

نعجن الخليطدابالماء لحد ما تكون عجينه لينه ونغطى بيها اللحم (نلفها على اللحم بحيس اللحم ميبنش خالص ومننساش نبل ادينا بالماء وحنا بنغطيها بالعجينه دى بالتساوى ونسيبها فى الهواء معلقة لمدة 3 أيام(ومش هققر فى مكان نظيف وبعيد عن الأتربة والحشرات)

أما بالنسبه للهمبرجر

فى أكتر من طريقة

هنعمل الطريقة الى بتتعمل فى المطاعم

المقادير

1ك لحم حمراء - 2بصلة كبيرة مفرومين - 2 بيضة -

ملعقة بهارات عادية - ملح وفلفل

الطريقة :

نضع اللحم والبهارات وملعقة من الملح

نضع نص كميه البصل على النار لحد ما تدبل من دقيقة الى دقيقتين

والنص التانى من البصل نضعه على اللحم

نضع على الخليط دا البيض ونخلطهم ببعض

ثم ناتى بالبصل الى احنا حطيناه على النار من دقيقة الى دقيقتين لحد ما دبل نضعه على الخليط الى احنا عملناه ونقلبهم كويس جدا لحد ما تخطلت جميع المكونات

ونشكل على هيئة أقراص الهمبرجر بس لازم نضغط عليها علشان متفكش واحنا بنسويها

وبعد كدا نسويها على النار بشويه زيت أو الأفضل إما على شواية سواء كهرباء أو فحم وممكن الفرن الكهرباء لحد ما تستوى ودى عملية تقديرية حسب المكان الى بنسويها فيه ويقدم مع المايونيز أو سلطة الكرنب .

بالنسبة لكيكة الأبر

أولا لازم نلتزم بالكميات والمقادير زى ما هو مكتوب خصوصا فى الحلويات لان ممكن لو زودنا جرام واحد فى أى مكون تتلع مش حلوه وممكن تبوظ خالص.

المقادير

150 غ لوز وبندق محمص ومطحون 150 غ سكر ناعم 40 غ طحين ابيض 5 صفار بيض حبة بيض كاملة رشة ملح 30 غ زبدة ذائبة 30 غ سكر عادي ملعقة صغيرة فانيلا طريقة كريمة الزبدة بالقهوة: 3 ملاعق صغيرة قهوة سريعة الذوبان (نسكافيه) مذوبة في نصف ملعقة صغيرة ماء 250 غ سكر 3 صفار بيض حبة بيض كاملة 100 مللتر ماء 300 غ زبدة غير مملحة بدرجة حرارة الغرفة جاناش: كريمة الشوكولا: 200 ملل كريمة الخفق الطازجة ملعقة صغيرة قهوة سريعة الذوبان (نسكافية) 250 غ شوكولا مفرومة ناعم جلاصاج بالشوكولا: 80 غ شوكولا اسود مفروم 80 ملل كريمة الخفق الطازجة طريقة التحضير :
يخفق بياض البيض مع رشة الملح الى ان نحصل على خليط ثلجي نضيف 30 غ سكر ونواصل الخفق للحصول على مرنج ثلجي ويترك جانبا يخفق صفار البيض مع حبة البيض الكاملة والسكر الناعم (150 غ )خفقا جيدا الى ان يتضاعف حجمة ويكتسب لون ابيض تقريبا بواسطة ملعقة او سباتولا نضيف المكونات الجافة (لوز وبندق محمص ومطحون والطحين) دون الافراط في التحريك والا تفقد الكيكة قوامها الاسفنجي نضيف دائما بواسطة الملعقة بياض البيض برفق تضاف كمية الزبدة الذائبة الباردة نسكب الخليط في صينية مدهونة ومغطاة بورق شمع توضع في فرن ساخن درجة حرارة 400 فهرنهايت لمدة 7 الى 10 دقائق تخرج الصينية من الفرن وتنزع الكيكة من الصينية مباشرة وتوضع فوق شبك لتبرد طريقة الزبدة بالقهوة: تجهيز القطر: يوضع الماء مع السكر في قدر على النار ليغلي الى ان نصل الى درجة 112 او 116 يخفق صفار البيض مع البيضة الكاملة جيدا نضيف القطر الساخن دون التوقف عن الخفق الى ان يبرد المزيج تماما (مهم جدا) تضاف الزبدة تدريجيا مع الخفق المستمر الى ان يتضاعف حجم المزيج ونحصل على لون ابيض نضيف القهوة المذابة ونخفق نضع الكريمة في وعاء وتحفظ في الثلاجة الى حين استعمالها طريقة جاناش: كريمة الشوكولا: في قدر على النار نضع الكريمة الطازجة والقهوة الى درجة الغليان تسكب الكريمة الطازجة المغلية مع القهوة على الشوكولا المفرومة ثم يخلط المزيج بواسطة خفاقة يدوية وليس كهربائية دون الاكثار من الخفقثم تترك لتبرد طريقة جلاصاج بالشوكولا: توضع الشوكولا المفرومة مع الكريمة الطازجة في قدر على النار الى درجة الغليان تخلط خلط خفيف وتبعد من على النار وتترك جانبا تزيين وتقديم كيكة الاوبرا بعد ان بردت الكيكة كليا تقسم الى ثلاثة طبقات متساوية توضع اول طبقة فوق قطعة كرتون مستطيل او مربع خاص بالحلويات او طبق تقديم مستطيل اومربع تغطى بطبقة خفيفة من الجاناش (كريمة الشوكولا) توضع فوقها الطبقة الثانية من الكيكة وتغطى بطبقة من كريمة الزبدة بالقهوة ثم نضع الطبقة الثالثة والاخيرة من الكيكة وتغطى بطبقة خفيفة من كريمة الزبدة بالقهوة توضع الكيكة مباشرة في الثلاجة لتبرد وتتماسك فيها الكريمة نخرج الكيكة من الثلاجة ويغطى بجلاصاج الشوكولا ثم يرجع الثلاجة ليبرد وتتماسك الشوكولا ثم نخرجها نقطع الزوائد لتساوي الكيكة وتزينها حسب الزوق اما بالكتابة على وجهها او رسم اله موسيقية او استعمال باقي كريمة الزبدة بالقهوة لتزينها وتقدم أنا عارف ان طريقة عملها طويله وكبيرة بس لازم تتعمل كدا وعلشان كدا هى غالية وممتازة . وبالهنا والشفا شيف يوسف

ضع تعليقك :///////////////////////////////////////////////////////////////////////////////////////////////////

الموضوع الأصلي : طريقة عمل كفتة اللحم بالأرز // المصدر : Cairo9 // الكاتب: الشيف يوسف

طريقة عمل كفتة اللحم بالأرز

طريقة عمل كفتة اللحم بالأرز

طريقة عمل كفتة اللحم بالأرز

طريقة عمل كفتة اللحم بالأرز

مقالات تهمك ايضا