قاموس الحب....الجديد!

دى ياجماعه أول مشاركه ليا أتمنى تكون خفيفة عليكم ويارب تعجبكم

أولا:البنت بتحب الولد التقيل
خلى دمك تقيل عليها
سوق الرخامة عليها سوق التلامة والغلاسة ولو مبتعرفش
تسوق
طلع رخصة ... مطلعتش ... اضرب رخصه
ثانيا:البنت بتحب الولد الغنى
إسرق ... أنهب ... أعمل أى حاجه علشان يبقى عندك فلوس
فلوس كتير ... كتير اوى اوى كمان مرة
مش ضرورى حلال يستحسن انها
تكون كمان حرام
علشان تحس أن أنت كريم عبدالعزيز فى حراميه كيجى 2 ولو
ماعندكش فلوس... وفاشل يابن
الفقراء الفاشلين استهبل
ارسم عليها أنك غنى
أشتغلها ... هو أنت يعنى لاقى يافاشل
اشتغلها
وأعمل شغلانتك .
ثالثا : البنت بتحب الولد اللى ماتفهموش
خليك متخلف فى طريقك واسلوبك
معاها خليك أهبل فى كلامك
ماتديهاش كلمة مفيدة ابدا فهمها منك
وإن فهمت كلمة منك
أرجع قولها ع ... ها خليها تتهبل ولا
تفهمش حاجه خالص
رابعا : البنت بتحب الولد الكداب
أفتح عليها علب أحكيلها عن رحلاتك
للمريخ وغزواك وفتوحاتك
كلمها عن اختراعاتك للبنسلين وعن قدراتك
الخارقة عن الطيران وقراية افكار الناس
وإنك بتعرف كل حاجه فى الدنيا وأهم
حاجة أنك بتعرف هيا بتروح فين كل يوم
وبتخرج تهبب إيه وتقابل مين .
خامسا : البت بتحب الحبوب المحبوب
أستخف نفسك وخليك كدا فريش طول
الوقت وغلس على كل خلق الله
وهزر فى أى وقت وبداعى ومن غير
حسسها أن كل الناس بتحبك هزر معاهم...
سادسا البت بتحب الواد اللى مش
راجل
خليك ناعم كده وبسكوته وحساس اوى
خالص جدا موت
عالاخر ياى حس
شويه
سابعا : البنت
بتحب الولد اللى يفهمها أنها أحلى بنت
أوصفلها فى جمالها
واحكيلها قد ايه هى فاتنه وحلاوتها مدوباك ومسهراك ياحبة
عين امك
وان هى الوحيده فى العالم اللى حلوه
وهى بس اللى يتبصلها
لأن البن لازم تحس انها احلى واحده
لأن معندهاش عقل يفهم
أن ربنا فضل الناس على بعض فى
خلقها واشكالها
ثامنا : البت تموت فى الولد اللى شكله
معتوه
البس لبس غبى ... لازم تسقط البنطلون
ولازم كل الناس تشوف هدومك
الداخلية
البس تشيرتات مرسوم عليها فيران
وكلاب وحمير
البس جزم حمرا وكوتشات خضرا
وخليك بلياتشو
حاول تغير فى اسلوب لبسك البس
هدومك بالمقلوب وبرضه ماتنساش تسقط
البنطلون
طول شعرك ونزله على عنيك ولو شعرك
اكرت طوله برضه واحلق خط بعرض
سم فى نص راسك بالطول 3