جربت يبقا اللى حواليك جايين عليك اوى ..؟
رافضين انك تفكر ..!
عاوزين هما الصح وهما اللى كلامهم يمشى وبــس ...
من اقل كلمه او موقف ينتقدوك نقد قاسى اوى اووووى بجد ...
تقريبا نسيو انك انسان بتحس ...
وانتا من كتر الخبطات بقيت عامل زى الازاز المشروخ ..
اللى من كتر ما اتشرخ من كل ناحيه فاضلو ثوانى ويتفتت ...
زى ما يكونو عاملين حواليك دايره وكل شويه بيضيقوها عليك ...
بس خلاص تقريبا قرب الوقت اللى مش هتبان منها وهيدوسوك
حاولت تتكلم كتير بس حتى فرصة الكلام مرضيوش يدوهالك ...
لحد ما زهقت وحتى بطلت تتكلم وتدافع عشان مفيش فايده ...

جربت تبقا عايش بين اهلك وناسك ....
وصحابك ...!
بس ولا حد حاسس ولا حد فاهم ولا ربع حاجه من اللى جواك
بتتكسر اوى وبتتهزم من اقرب الناس ليك
بس بردو ما زلت ساكت ومبتتكلمش ...
جربت تحط راسك ع المخده ومتعرفش تنام من كتر التفكير فـ اللى بيحصل حواليك ..؟
وانتا عامل زى المشلول ... !
الانسان الملفوف بـ سلاسل كله متربط مش قادر يعمل حاجه
وبقه مكتوم ... ساكت مش قادر ينطق
مبقاش فـ ايديه حاجه ابدا غير انه يسكت ويرضى ...

الي اين ستظل الدنيا بهذه الصوره القاتله علشان تقتل كل حاجه حلوه بنحس بيها ليه دايما بتكون الفرحه قليله ،ليه دايما بتكون الضحكه عزيزه
ليه دايما بتكون راحه البال عمله نادره او تقريبا مفقوده؟؟؟؟ بس برضه ربنا ما خلقش الدنيا كده بس اللي بوظها هم البشر،،،نفسي تكون الدنيا حلوه كده زي ما بيتقال في الشعارات و الاغاني اللي حوالينا

زي ما بيتقال معادله صعبه او مستحيله الحل (مفيش فايده)
لما تكون كل حياتك اختيارات مينفعش تختار منها
يبقى مفيش فايدة
لما تكون علشان تبقى صح لازم تعيش غلط
يبقى مفيش فايدة
لما تشترى الرخيص وتبيع اللى شريك
يبقى مفيش فايدة
لما تضحى علشان حد بيعك
يبقى مفيش فايدة
لما تكتشف انك كنت عايش في وهم بعد فوات الاوان
يبقى مفيش فايدة
ولما
ولما
ولما
من الاخر مفيش فايدة


وللاسف الواحد عايش بمثاليه زياده عن اللزوم وبيتعامل مع الناس بكل طيبه وحسن نيه قصدي يعني بلغة دلوقتي بكل هبل وبرضه مفيش فايده (ان الواحد يتعلم ابداااااا).

ليه الواحد بيتعامل بحسن نيه ويأخد سوء نيه
ليه الواحد بيعامل الناس بانكار للذات ويلاقي انانيه
ليه الواحد بيحب الناس ويلاقي كراهية
ليه الواحد يعطف علي الناس ويلاقي حقد وعناديه
ليه الواحد يضحك في وش الناس ويلاقي تكشيره
ليه الواحد يعدل مع الناس ويلاقي ظلم
ليه الواحد يقدر ظروف الناس ومحدش يقدر ظروفه
ليه الواحد حاسس بالناس ومحدش بيحس بيه
ليه الواحد بيقف جنب الناس في ازماتهم وفي ازمتك تلاقي الكل يجري ويقول يلا نفسي

انا عارف ان زمن المعجزات انتهي بس بجد مفيش حاجه بعيده علي ربنا وربنا قادر يهدي الناس بس الناس بتزاد سوء كل يوم اكتر من الللي قبله
قال رسول الله صلي الله عليه وسلم
ان الله لا يغير ما بقوم حتي يغيروا مابانفسهم

يعني لازم التغيير يجيي من جوانا احنا الاول بس ده اللي بيقولوا عليه (مفيش فايده)،يااااااه لو الناس تعرف ان مفيش حاجه مستاهله اللي بيحصل حوالينا ده كله
بس اقول ايه مفيش فايده

و الله مفيش فايده
و الله لو ظلينا نتأمل بعلاقاتنا و معاملاتنا مع الأخرين رح نظل نقول مفيش فايده
بس لما تفكر انه كل اللي بتعمله في سبيل الله و تستنى الجزاء و الرد من الله على حسن نيتك و معاملتك و لما تبص على ان الله بيجازيك و بيعوضك باحسن ما كنت رح تاخد من الناس
رح تقول الحمد لله في فايده
شكراااااااااااااااا طارق





من الصعب ان تكسب صديقا............بس من السهل ان تفقده

تسلمي ياجوجو علي المرور الجميل ده

نورتي التوبيك