|
| Hard Times
  الخميس 16 يوليو 2009 - 21:06 | | مجرد حياه .
- مش هينفع نتقابل يا حبيبتي , بصي اقولك علي حاجه , خليها بعد بكره .
- انت كل يوم تغير الميعاد , هو ايه ده ؟
- معلش يا قمري اصل بجد مش فاضي بكره خالص .
- خلاص يا حبيبي وانا موافقة , ياسر , بحبك قوي
- وانا كمان بموت فيكي
- سلام .
- سلام .
الحمد لله خلصت من معادها بكره , كويس علشان اعرف اقابل داليا !!
ياسر .. شاب في الثانية والعشرون , حياته اصبحت الان مليئة بالصخب والحياة , بعد ان كانت قد توقفت تماما منذ سنتين او اكثر قليلا ..
تريدون ان تعلموا لماذا ؟
اذا تعالوا معي لنعد بالعمر لفقط سنتين للخلف .......
- حبيبتي .. وحشتيني قوي , يللا نتقابل دلوقت
- يللا يا ياسر يا حبيبي , انا مستنياك .
الاء .. جاءت لتنتشل ياسر من ابار الرزيلة التي غرق فيها في ثانويته واوائل كليته , ليصبح بعدها شابا صالحا يعشق فتاة محترمة , وكل ما يتمنياه هو الارتباط فقط ..
- وحشتيني قوي يا حبيبتي .. كل دي غيبة عليا ؟
- معلش بقي يا حبيبي .. امتحانات هعمل ايه بس .
- المهم اننا دلوقت سوي , يارب دايما نفضل سوي .
- يارب يا ياسر .. يارب .
لكن هل كل ما نحلم به يتحقق ؟ لا اظن ..
- فيه ايه يا ياسر ؟
- بتصل عليها بقالي يومين يا صلاح ومابتردش مش عارف اعمل ايه ؟
- شكلها باعتك يا ياسر
- باعت مين يا صلاح ؟ باعت مين ؟ انا حبيبها يا صلاح , فاهم يعني ايه حبيبها ؟
- خلاص يا عم هنشوف ..
يعلم بعدها ياسر ان الاء قد تمت خطبتها علي شاب قريبها , لتصبح الحياة في عينيه سوداء تماما كلون شعر الاء , لكن ما لم يكن يعرفه ياسر ان الاء قد ارغمت غصبا عنها علي ما حدث , قابلها يوما صدفة , فذهبت اليه هي لتحدثه ..
- ياسر , ازيك ؟
- انتي ماعدتيش بتاعتي , ماعدتيش تخصيني , مفيش بينا كلام .
- والله غصب عني , والله اتغصب عليا .
- عيشي حياتك معاه يا بنت الناس , كل شئ بينا انتهي .
- خلاص يا ياسر , انا هروح اقولهم اني رفضاه ومش هعيش معاه وهفسخ الخطوبة , بس هقولهم ان حبيبي اللي فسخت علشانه الخطوبة مش عايزني ..
- ارجوكي , كفاية كدب ..
- انا عمريما كدبت , والله عمري ما كدبت , وانت بالذات عارف انا بحبك قد ايه , وعلشان تسمع صدق كلامي انا هاخدك معايا البيت ..
- انتي اتجننتي ؟
- اه , ماهو لازم تعرف الحقيقة .
بالفعل حدث ما قالته الاء , واجبرت اهلها علي ترك خطيبها , ويعودان هما الاثنين ثانية لسابق عهدهما , شابين عاشقين , تراهما تحسبها طفلين من قوة عشقهما وتعلقهما ببعض ..
لكن هل كانت الاقدار رحيمة بهما ؟
يتبع ...
ضع تعليقك :///////////////////////////////////////////////////////////////////////////////////////////////////
|
| | | | ????
| الجمعة 17 يوليو 2009 - 18:27 | | مجرد حياه .
تسلم يا يوسف بس اسرع عشان نعرف
ضع تعليقك :///////////////////////////////////////////////////////////////////////////////////////////////////
|
| | | | ahlawy 3alatool
| الأحد 19 يوليو 2009 - 1:32 | | مجرد حياه .
تسلم يا اخ يوسف اسلوبك اكثر من رائع
ضع تعليقك :///////////////////////////////////////////////////////////////////////////////////////////////////
|
| | | | Hard Times
| الأحد 19 يوليو 2009 - 20:12 | | مجرد حياه .
- يابني دي عملية بسيطة , مجرد زايدة وهتتشال وخلاص .
- يا الاء , انتي برضه مش قادرة تفهمي انا قد ايه بخاف عليكي .
- عارفه , والله عارفه , بس دي حاجه بسيطة يا ياسر
- طيب يا الاء , بس انا لازم اجي معاكم .
- لا يا يوسف , ارجوك ماينفعش علشان ماحدش يقول حاجه من قرايبنا , خصوصا اني لسه مفركشة الخطوبة .
- طيب يا الاء , بس انا مش مصدق انها زايدة .
- ماتقلقش , ان شاء الله خير .
- ان شاء الله يا حبيبتي .
- بحبك قوي يا يوسف , اوعي تبعد عني .
- بتقولي ايه ؟ ابعد عنك ؟ انتي مجنونة ؟ ده انا لو بعدت عنك يبقي انا بموت نفسي بنفسي بقي .
- بعد الشر عليك يا حبيبي , ماتقولش كده علي نفسك تاني .
- ربنا يخليكي ليا .
- وانت كمان , سلام
- سلام
ليس كل ما يتمناه المرء ينشده , دائما ما تثبت الايام لياسر هذه الحكمة ..
- انا بجد خلاص , ماعدتش عارف اعيش يا صلاح .
- ليه يابني ؟ كل ده علشان واحده ؟
- موبايلها لو مقفول كنت قلت ماشي , لو بيرن ومابتردش كنت قلت خاينة , لكن هذا الرقم غير موجود بالخدمة .. فاهم يعني ايه ؟
- اه , يعني كسرت الشريحة , ومش عايزة تكلمك تاني , يا عم فكك منها بقي .
- هتفضل طول عمرك مش فاهم أي حاجه , لانك عمرك ما حبيت ولا هتحب .
- طيب يا عم روميو .
بعد هذا اليوم بحوالي ثلاثة اشهر, وبعد ان تحول الجحيم المصاحب لحياة يوسف بعد فراق الاء له ( او هكذا ما كان يتصوره ) عاديا , أي انه اعتاد علي الحياة الفقيرة البائسة الخالية من الابتسامة , حتي تحولت الابتسامة لدموع غزيرة تكفي لملأ مجرتنا العتيدة ..
- يوسف معايا ؟
- ايوة , مين معايا ؟
- انا اسمي نهي , بنت خال الاء , فاكرها ؟
- ( بلهفة ) الاء ؟ هي عامله ايه ؟ ارجوكي قوليلي ..
- يا يوسف عيزاك تصبر , البقاء لله , الاء اتوفت ..
- انتي بتهزري .. صح ؟
- لا بتكلم بجد والله , وقبل ما تموت قالتلي ارجوكي ماتقوليلوش غير بعد فترة لحد ما يكرهني .
- اكرهها .. انتوا مجانين , كلكم مجانين , وانا كمان مجنون , ليه الاء ماتت ؟ هه ؟ ليه ماتت , ليه يا رب ماخدتنيش انا ؟ طيب انا مش فاهم , او مش عارف ( وسط بكائه ) انا بحبها قوي , بحبها , يارب خدني ليها .
- ماتدعيش علي نفسك يا يوسف , عيش حياتك علشان هي تبقي مبسوطة بيك .
- العملية , مش كده ؟
- اه , مكانتش زايدة , كانت الكبد .
- سلام يا نهي .
يغلق السماعة في وجه قريبة حبيبته , ثم يلقي بالهاتف من الدور الثالث ليتحطم الي اشلاء , ثم يلقي بنفسه خلفه , عله يري الاء قبل ان يدخل الي النار ...
يتبع ..
ضع تعليقك :///////////////////////////////////////////////////////////////////////////////////////////////////
|
| | | | ????
| الأحد 19 يوليو 2009 - 21:03 | | مجرد حياه .
تسلم يا يوسف على القصه بس كملها بسرعه بقى
ضع تعليقك :///////////////////////////////////////////////////////////////////////////////////////////////////
|
| | | | tarek tito
| الإثنين 20 يوليو 2009 - 8:49 | | مجرد حياه .
ضع تعليقك :///////////////////////////////////////////////////////////////////////////////////////////////////
|
| | | | tarek tito
| الإثنين 20 يوليو 2009 - 8:52 | | مجرد حياه .
طب ينفع كده يعني
ضع تعليقك :///////////////////////////////////////////////////////////////////////////////////////////////////
|
| | | | Hard Times
| الإثنين 20 يوليو 2009 - 9:15 | | مجرد حياه .
هوايه اللي ماينفعش يا كبير ؟
ضع تعليقك :///////////////////////////////////////////////////////////////////////////////////////////////////
|
| | | | tarek tito
| الإثنين 20 يوليو 2009 - 11:33 | | مجرد حياه .
التشويق
والاثارة دي يا
ابوحجاج
ضع تعليقك :///////////////////////////////////////////////////////////////////////////////////////////////////
|
| | | | Hard Times
| الإثنين 20 يوليو 2009 - 12:18 | | مجرد حياه .
ماشي يا كبير
ربنا يخليك
ضع تعليقك :///////////////////////////////////////////////////////////////////////////////////////////////////
|
| | | | tarek tito
| الإثنين 20 يوليو 2009 - 12:51 | | مجرد حياه .
طب ايه وبعدين فين الباقي يا معلم
ضع تعليقك :///////////////////////////////////////////////////////////////////////////////////////////////////
|
| | | | Hard Times
| الإثنين 20 يوليو 2009 - 23:48 | | مجرد حياه .
- الحمد لله , لحقناه في اخر لحظات .
- الحمد لله يا دكتور , يعني ياسر سليم دلوقت ؟
- ايوة الحمد لله بخير .
- طيب تمام , متشكرين يا دكتور .
- العفو يا فندم , ده شغلي .
يخرج ياسر من المشفي , ولكنه وعلي الرغم من انه لم يمت , لكنه كان في عداد الموتي ( بالنسبة اليه علي الاقل ) , فلم تكن لحياته معني بدون الاء , شمسه ونوره اللذان انطفئا بعد رحيلها ..
- يابني لازم تخرج من حالتك دي , ده مش كويس خالص علشانك .
- ( سكوت تام ونظرة حادة يملؤها الضعف من يوسف كانت اكفل رد علي صلاح صديقه )
- يعني انت مش هترد عليا ؟
- ( نظرة اخري تملؤها الشفقة , وسكوت تام )
- خلاص يا ياسر , انا هسيبك لوحدتك اللي انت مبسوط فيها دي , سلام .
رحيل بعد رحيل , فراق بعد فراق , موت بعد موت , هذه هي الحياة القاسية المصاحبة لياسر , هل هذا قدر ؟ ام ابتلاء ؟ بعد رحيل والدته تاثر نفسيا بشكل كبير حتي اصبح ياسر السئ الذي لم يكن يجرؤ علي الاقتراب منه احد , وعندما احبته الاء عاد ملاكا كما كان , لكن الشيطان بدا في الظهور بعد رحيل الاء ..
- يللا بينا يا صلاح ننزل شوية .
- ياسر .. بتتكلم بجد ؟
- ايوة , يللا ننزل قبل ما اغير رايي .
- اوك , مستنيك في البيت تعالالي .
يذهبان سويا للسينما , المكان الذي يمقته ياسر دائما , لكن مع رغبته في التغيير اصبح كل شئ بالنسبة اليه ممكن , وعندما يريد الانسان التغيير بدون ان يكون هناك عقل يساعده علي ذلك , فمن الممكن ان يكون هذا التغير جذريا , وجذريا تماما !!
- شايف يا ياسر اللي انا شايفه ؟
- ايه يابني ؟
- البنتين اللي هناك اللي بيبصوا علينا دول
- اه شايفهم , حلوين ياد .
- طيب ما يللا .
- يللا ايه ؟
- يللا نكلمهم واهو نقضي اليوم معاهم .
- يللا , واحنا ورانا ايه , اهو علي الاقل نقعد معاهم جوه في السينما .
بالفعل يذهبان للحديث مع الفتاتين , ويتجاوب معهما الفتاتين بشكل سريع نظرا لوسامتهما الشديدة , ويدخلان سويا لقاعة العرض , ويحدث ( كالعادة ) ما لا يحمد عقباه وهم جالسون سويا ودون اضاءة وفي المقاعد الخلفية , ما الذي يحدث لياسر ؟ ما هذا ؟ اهذا هو الفتي الذي كان يشيد باخلاقه الجميع ؟ كيف يحدث منه ذلك ؟
الي هنا , ينتهي فصل استرجاع الذاكرة , ومن الحلقة القادمة , سنعيش مع بطلنا حياته يوما بيوم , لنري ما الذي يفعله وهل سيبقي علي ذلك الحال السئ , ام سيعود كما كان , لنري ..
يتبع ..
ضع تعليقك :///////////////////////////////////////////////////////////////////////////////////////////////////
|
| | | | ????
| الثلاثاء 21 يوليو 2009 - 0:58 | | مجرد حياه .
هو انت على طول كدا بتشوقنا يا يوسف
كمل على طول هموت واعرف الباقي تسلم يا غالي
ضع تعليقك :///////////////////////////////////////////////////////////////////////////////////////////////////
|
| | | | Hard Times
| الثلاثاء 21 يوليو 2009 - 1:00 | | مجرد حياه .
شكرا ليكي يا قمر
ضع تعليقك :///////////////////////////////////////////////////////////////////////////////////////////////////
|
| | | | zizi
| الثلاثاء 21 يوليو 2009 - 19:33 | | مجرد حياه .
بداية القصة جميلة جداا
هاستنى بقية القصة فى ياريت فى أقرب وقت
تسلم على الموضوع
ضع تعليقك :///////////////////////////////////////////////////////////////////////////////////////////////////
|
| | | | ahlawy 3alatool
| الجمعة 24 يوليو 2009 - 4:38 | | مجرد حياه .
تسلم يا اخ يوسف على القصه
ضع تعليقك :///////////////////////////////////////////////////////////////////////////////////////////////////
|
| | | | ahlawy 3alatool
| الجمعة 24 يوليو 2009 - 4:41 | | مجرد حياه .
تسلم ايدك يا اخ يوسف
ضع تعليقك :///////////////////////////////////////////////////////////////////////////////////////////////////
|
| | | | tarek tito
| الأحد 26 يوليو 2009 - 7:54 | | مجرد حياه .
طب ايه
ضع تعليقك :///////////////////////////////////////////////////////////////////////////////////////////////////
|
| | | | Hard Times
| الأحد 26 يوليو 2009 - 20:51 | | مجرد حياه .
متشكر لكل الردود
ضع تعليقك :///////////////////////////////////////////////////////////////////////////////////////////////////
|
| | | | Hard Times
| الأحد 26 يوليو 2009 - 22:45 | | مجرد حياه .
عندما تندثر حياة الانسان ويتوقف سريانها , وتصبح الايام بالنسبة اليه ( النهاردة زي بكره زي بعده ) تكون مأساة حقيقية , وهذه المأساة يعيشها ياسر , ولكنه الان اصبح يعلم مليا ما يمكن عليه فعله ..
- ولا يا ياسر , قدامنا ليلة طويلة النهاردة , قوم ناملك شوية لحد الساعة 12 كده .
- طيب يا صلاح , انا قايم انام اهه .
يذهبون كالعادة سويا ومعهما بعض اصدقاء اخرين لكي يشربون المسكرات ويتناولون المخدرات ومغيبات العقول , ويمارسون الرزيلة , ويفعلوا كل ما يمكنهم فعله من أي شاب نسي دينه وحياته , شاب من شباب الجاهلية ..
- ولا يا صلاح , هو احنا هنفضل كده علي طول ؟
- كده ايه يا عمونا , ماحنا زي الفل اهه .
- مش عارف ياد , مش عاجبني حالي .
- انت شكلك الخمرة سطلتك علي الاخر وبقيت بتهذي , قوم ادخل الاوضة ريحلك شوية يمكن تتعدل .
يدخل ياسر للغرفة , لكي يتقلب عليه شريط ذكرياته مثل كل ليلة .. ابتسامة الاء , يدها الناعمة , كلمة احبك التي تخرج من شفتيها كالسهم في قلبه , شوقه اليها ورغبته في ضمها لصدره , محاولة انتحاره , والده الذي يحبه ويخاف عليه , قسوة الحياة من حوله , محاولته لنسيان الواقع الذي لا يٌنسي , حياة صعبة .. اليس كذلك ؟
أي واحد منا من الممكن ان يرهقه التفكير بمشكلة وحيدة , لكن من منا يستطيع التفكير في العديد من المشاكل وفي وقت واحد ؟ لم يعد ياسر يمقت حياته فقط , بل اصبح يمقت نفسه ايضا , لانه كما يقول لنفسه دائما ( نفسي الطيبة ماتت , ازاي هحب الشريرة ؟ )
ما الذي يمكنه ان يفيق ياسر ؟ هل حب جديد ام صدمة جديدة ؟
- الو .
- ايوة يا ياسر انت فين ؟
- انا مع صلاح يا نهي , عايزة ايه ؟
- بابا تعبان قوي يا ياسر , تعالي البيت بسرعة .
- ثواني وهكون عندك .
يخرج ويركب عربته , وينطلق مسرعا لكي يصل لبيته , فهو لم يعد لديه أي شئ يبكي عليه سوي والده واخوته , وعندما يصل , يسمع بكاء الجميع ..
بالفعل توفي والده ..
يقف ياسر لا يدري ماذا يفعل ؟ هل هذه هي المساعدة التي كان يخبئها القدر له ؟ ام هل هكذا عاقبه الله علي ما يفعله من شرور ؟
يضم اخته بين ذراعيه , وينطلق في بكاء طويل , لا نعلم متي سيخرج منه ..
يتبع ..
ضع تعليقك :///////////////////////////////////////////////////////////////////////////////////////////////////
|
| | | | ????
| الأحد 26 يوليو 2009 - 23:27 | | مجرد حياه .
تسلم يا يوسف بجد جامده اوي بس ممكن تبقى تطولها شويه عشان بس قصيرة وبصراحه القصص دي كلها جميله
ضع تعليقك :///////////////////////////////////////////////////////////////////////////////////////////////////
|
| | | | tarek tito
| الأربعاء 29 يوليو 2009 - 10:16 | | مجرد حياه .
ضع تعليقك :///////////////////////////////////////////////////////////////////////////////////////////////////
|
| | | | tarek tito
| الأربعاء 29 يوليو 2009 - 10:40 | | مجرد حياه .
ضع تعليقك :///////////////////////////////////////////////////////////////////////////////////////////////////
|
| | | | Hard Times
| الأحد 2 أغسطس 2009 - 15:59 | | مجرد حياه .
لم يكن يتصور احد ان يتغير ياسر هكذا , بل كان من المستحيل حتي تخيل ذلك او التفكير فيه , لكنه حدث بالفعل , ياسر لم يعد ياسر , قطع علاقته نهائيا بصلاح , اصبح صديقا لاناسا جدد محترمين , لم يعد يحدث فتيات , انقطعت كل اخباره عن الوسط الماجن الذي كان يحياه , اصبح بالفعل يعيش حياة هادئة , لكن هل سيبقي هكذا ؟
- ياسر , انا عايزة اقولك علي حاجه بس ماتتعصبش .
- وايه يخليني اتعصب يا نهي , قولي
- صلاح صاحبك بيكلمني علي الموبايل وبيضايقني لما بكون ماشية في الشارع .
- بقي كده ( ينتفض قائما ) خلاص ماشي يا نهي , هشوف انا الموضوع ده .
- ربنا يخليك ليا يا اخويا يا رب .
ينزل ياسر ويذهب لصلاح في بيته , الذي يقابله بشكل سئ ويمنعه من الدخول , فيقول ياسر لصلاح بكل هدوء :
- بص يا صلاح انا مش هدخل , بس اعمل حساب العيش والملح اللي كان بينا وابعد عن اختي
- ولو مابعتدش ؟
- هتبعد يا صلاح , لان لو مابعدتش انا هزعل , وانت عارف زعلي
- ههههههههه , هتعمل ايه يعني يا شيخ ياسر , عامة انا اعمل اللي انا عايزه , ومش انت اللي تقولي ابعد لانك اكتر حد عمل في بنات الناس , واعلي ما في خيلك اركبه .
- انا حذرتك وانت اللي ماسمعتش الكلام , اتق شر الحليم اذا غضب يا صلاح .
- حليم !! هههههه , ماشي يا عم العندليب , اما نشوف غضبك .
يتركه ياسر ويرحل وهو غاضب ويفكر كيف يحمي اخته , لكن الموضوع صعبا للغاية لانها في الجامعة , لذا فهي تخرج يوميا للذهاب اليها وتعود, وهو ملتزم بعمله الذي لا يمكنه تركه لكي يذهب وياتي معها , فماذا يفعل ؟
حذر نهي من صلاح , وقال لها ( لو قربلك صوتي ولمي عليه الناس وكلميني , لو حسيتي انه قريب منك كلميني , لو لمحتيه كلميني ) وهي بالفعل استمعت لنصائحه , لكن ولمدة تزيد عن اسبوعين لم يقترب صلاح من نهي , ولم تراه ابدا حتي نسي الاثنين ( ياسر ونهي ) هذا الشيطان , لكن صلاح لم ينسي ما حدث من ياسر , وكان يعمل طوال هذين الاسبوعين لهذا اليوم السئ , كان له صديقا يعمل معيدا مع نهي في الجامعة , فاتفق معه ان يؤخرها وحدها في الجامعة ذات يوم , لكي ينفرد بها عند خروجها , واتفقا علي ان ياتي معهما لكي يتبادلاها سويا ..
بالفعل حدث ما رتبا له , وعندما رات نهي صلاح وهي تخرج من الجامعة حاولت ان تمسك بالهاتف لكي تكلم ياسر لكن لم يسعفها الوقت , اتي المعيد من ورائها لكي يكمم فمها وياخذها الاثنين في عربة لمكان بعيد , لكي يحققا ما كانا يخططا له انتقاما من ياسر ..
يتبع ..
ضع تعليقك :///////////////////////////////////////////////////////////////////////////////////////////////////
|
| | | | ahlawy 3alatool
| الإثنين 3 أغسطس 2009 - 4:32 | | مجرد حياه .
جميل اوي يا يوسف
كمل القصه بقى عايز اعرف البقيه
ضع تعليقك :///////////////////////////////////////////////////////////////////////////////////////////////////
|
| | | | |
| |
