اسئله خياليه ومعقده

بعد أبدأ معكم موضوعي و موضوعي يتلخص في أسئله من الحياه قد تكون طريفه
قد تكون معقده
و قد تكون خياليه و أنا واثق أن معظمها سوف تكون خياليه
أنا أحب الاسئله الخاليه هههه

طبعا كلكم حتفكروا قبل الاجابه و في الاخر حتجاوبوا
و هو ده الموضوع
و أبدأ الاسئله .........

1-أنت تمشي علي الطريق مع خطيبتك و بعدين دخلتوا مطعم و كلتوا و كل حاجه
و بعدين جينا للحساب فبتبص علي جيبك يا خبر أبيض مفيش فلوس كيف ستتصرف؟؟ ؟؟و كيف ستتصرفين اذا كنت انت الخطيبه (ممعاكيش فلوس )أصل أنا عارف كل الأفكار بتطلع في الاجابه؟؟

2-انت ماشي و رايح مقابله عمل في احدي الشركات و كانت الوظيفه ده فرصه عمرك و فجأه وقع علي البدله تراب و طين و بلاوي و فاضلك خمس دقائق علي المقابله حتتصرف ازاي ؟؟؟؟

3-انت ماشي في الشارع و فجأه اتقطعت الجزمه خالص و لازم تمشي من غير جزمه و انت في وسط الشارع حتتصرف ازاي؟؟

4-مسافر في حته بعيده أوي و وقعت فلوسك كلها و ملكش أصحاب في المنطقه حترجع ازاي؟؟

5-لاقيت واحد مجنون ماسك عصايه و بيجري وراك في الشارع حتعمل ايه يا شجاع؟؟

6-انت شاب عندك امتحان و صباحيه الامتحان مامتك تعبت جامد تروح الامتحان و لا توديها المستشفي (الامتحان ده حيحدد مستقبلك زي ثانويه عامه) و مفيش غيرك في البيت ؟؟؟

7-باباك صرخ في وجهك أمام الناس أو أمام أصحابك ايه حتكون رده فعلك ؟؟

8-باباك عاملك كأنك عيل أدام خطيبتك حتعمل ايه؟؟أو مامتك صرخت في وجهك أدام خطيبك؟؟؟؟

9-حتعمل ايه لو ماشي في منطقه مهجوره شويه و شفت واحد بين الحياه و الموت؟؟؟

10-انت واقف في سوبر ماركت و لا محل و شفت ولد صغير بيسرق أدامك حتعمل ايه ؟؟؟

11- لو واحد صاحبك أوي أوي أوي و فجأه بعد الصحوبيه الجامده عمل فيك موقف نداله يعني طلع معاك عيل أوي حتعمل ايه؟؟؟؟

هاذ هو وبسسسسس