الجمعة 3 يونيو 2016 - 22:30
* سيبونا نحلم *
.
سيبونا نحلم حلمنا لو كان صغير
اهو حلمنا مهما كان
سيبونا نعشق عمرنا لو كان صغير
ونحس لحظه بالامان
ماتولعوش النار فى الجنه
ماتزيفوش الحق بالبهتان
سيبونا نحلم
مين اللى قال ان الصغار عشقوا الدمار
مين اللى قال ان الدمار يصنع نهار
مين اللى قال ان الحروب
تصبح دروب
تشفى قلوب وتفتح الازهار
ومين هيمسح دمعتى
ومين يرجع فرحتى
ومين يوصل صرختى
لصاحب القرار
مهما كان سيبونا نحلم
بتخنقوا فينا الطفوله
وتحرقوا اخضر ويابس
وتهتفوا باسم البطوله
على شيخ وطفل وقلب يائس
وتهدموا كل الجوامع والكنايس
بالظلم والطغيان
سيبونا نحلم
صرخة قنابل الميدان
حرقت سنابل العيدان
ونار الحروب هدمت دروب
شرخت قلوب
وسابتها زكرى ع الحيطان
شربت انين ظلم السنين
ودم اللى ماتوا عطشانين لامان
كان نفسى احلم حلم تانى
مالوش حدود
حلم مليان بالامانى والورود
لقيتنى باحلم حلم تانى
مافيهوش امانى مافيهوش ورود
مكتوب نهايته بالبارود
حلمى اللى كان شجرة امان
وخضره بتغطى المكان
مالوش وجود
سيبونا نحلم
غصن الزتون والحمام
فى قلوبكم ماعادلوش مكان
لحظة جنون الروح تهون
وصراخنا يوصل للعنان
حتى الامان زى الزمان
مافيهوش امان
حتى العيون لحظة سكون
بتخاف لتحلم بالامان
سيبونا نحلم
سيبوا الطيور
ترجع وتسكن عشها
سيبوا الزهور
تطلع وتحضن شمسها
سيبوها يوم تشرب ندى
تكبر تعبر بالشذى
تسقوها ليه ظلم وعدا
فين الهدى فين الامان
اتغيروا وغيروا
حتى الزمان
ضع تعليقك :///////////////////////////////////////////////////////////////////////////////////////////////////
.
اهو حلمنا مهما كان
سيبونا نعشق عمرنا لو كان صغير
ونحس لحظه بالامان
ماتولعوش النار فى الجنه
ماتزيفوش الحق بالبهتان
سيبونا نحلم
مين اللى قال ان الصغار عشقوا الدمار
مين اللى قال ان الدمار يصنع نهار
مين اللى قال ان الحروب
تصبح دروب
تشفى قلوب وتفتح الازهار
ومين هيمسح دمعتى
ومين يرجع فرحتى
ومين يوصل صرختى
لصاحب القرار
مهما كان سيبونا نحلم
بتخنقوا فينا الطفوله
وتحرقوا اخضر ويابس
وتهتفوا باسم البطوله
على شيخ وطفل وقلب يائس
وتهدموا كل الجوامع والكنايس
بالظلم والطغيان
سيبونا نحلم
صرخة قنابل الميدان
حرقت سنابل العيدان
ونار الحروب هدمت دروب
شرخت قلوب
وسابتها زكرى ع الحيطان
شربت انين ظلم السنين
ودم اللى ماتوا عطشانين لامان
كان نفسى احلم حلم تانى
مالوش حدود
حلم مليان بالامانى والورود
لقيتنى باحلم حلم تانى
مافيهوش امانى مافيهوش ورود
مكتوب نهايته بالبارود
حلمى اللى كان شجرة امان
وخضره بتغطى المكان
مالوش وجود
سيبونا نحلم
غصن الزتون والحمام
فى قلوبكم ماعادلوش مكان
لحظة جنون الروح تهون
وصراخنا يوصل للعنان
حتى الامان زى الزمان
مافيهوش امان
حتى العيون لحظة سكون
بتخاف لتحلم بالامان
سيبونا نحلم
سيبوا الطيور
ترجع وتسكن عشها
سيبوا الزهور
تطلع وتحضن شمسها
سيبوها يوم تشرب ندى
تكبر تعبر بالشذى
تسقوها ليه ظلم وعدا
فين الهدى فين الامان
اتغيروا وغيروا
حتى الزمان
ضع تعليقك :///////////////////////////////////////////////////////////////////////////////////////////////////
