شبابنا

منقول عن أخويا جنسي متر من منتدي نور الدنيا

[justify]شبابنا

شبابنا ضايع شبابنا فاشل شبابنا تايه في المتاهات
شبابنا بيس وكول ونايتي ياعم عديها كده تمامات
شبابنا ساكت خاضع صامت وعنيه بتصرخ بأهات
الاب نايم مشاغله كتيره امال مين يدير الشركات
والام دكتوره عظيمه هنا مستشفي وهنا عيادات
ياعلم مين المسؤل عني متلحقوني قبل الفوات
بابا وماما علي طول في الشغل مش حارمني من اي حاجات
طب ايه لزمتك انت ياعم ماتسيبك بقي من دي التفاهات
ايه لزمتي ؟؟ انا باكل بشرب عايش عيشه الحيوانات
معايا عربيه ولاب توب وفي محفظتي بالميات
امال مين راح يصرف يابا ومين راح يخرج ويا البنات
هي دي العيشه الصح وهو ده معني الحياه
ياخي والله ده انت مش عايش شوفت ممات قبل الممات
يا اخوانا فوقوا قبل النهايه ظهرت للقيامه علامات
الكاسيات العاريات والمائلات الموميلات
في فلسطين وعراق و البوسنه مين راح ينصرهم يابشوات
يقول الغرب محمد مات وما خلف الا بنات
فما رأي شباب امته في مثل هذه الكلمات
والله حتتسئل عن الضايع من عمرك الجاي والي فات
عمرك قطر بيجري بيجري ومبيقفش في محطات
هي محطه وحيده اخيره يومها نقول الأبعد مات
اما كفاكم خزي وعار اما غرقتم في الاهانات
هل تكيفتم مع الهوان ام اعجبكم السكات
يا شبابنا المسلم اكسر صمتك رجع عصر الانتصارات
اصرخ قول الباطل زاهق زمن الحق آتٍ آت
لازم فيوم ينتصر الحق ونشوف للباطل سكرات
بس لازم قبل مايجي اليوم ده نظبط شويه حاجات
اصل الشباب الي يرجعنا من تاني اسياد له سمات
مينفعش تكون امتنا تائهين وتائهات وضائعين وضائعات
ونستني معجزه تنصرنا ..... فقد انتهي عصر المعجزات
طب ايه الحل ونبتدي منين ؟؟ في اسئله محتاجه إجابات
اعرف رسولك احفظ كتابك الاجابات وسط الآيات
يومها نقول زمننا راجع وأنتهي عصر الانتكاسات
(ظهر الحق وزهق الباطل) حتكون واقع مش كلمات
وبإذن الله اليوم ده قريب تعلوا للاسلام رايات