طبعا ً أول حاجه هقولهاله ( إحنا بنحبك يا رايس)
وبعد كده هقوله شبابك وولادك بتضيع يا رايس البطاله والمخدرات والجهل والفقر بياكلوا في الشعب
الحكومه مش حاسه بحد وكيلو اللحمه وصل لسبعين جنيه وكيلو السكر وصل لتسعه جنيه وكل حاجه غاليه وغير متاحه إلا
المخدرات والبرشام لمصلحة مين ده يا ريس
البرشام المخدر بقي أرخص من برشام الضغط والسكر والقلب لمصلحة مين ده يا رايس
الزنا والضعاره بقي أسهل من فتح بيت بالحلال لمصلحة مين ده يا رايس
الرشوه بقت إسمها إكراميه وبقت شيء لابد منه في أي مصلحة حكوميه لمصلحة مين يا رايس
يا رايس لو خليت يوم الإنتخابات عطله رسميه وأجبرت المواطنين علي الإدلاء بأصواتهم ما حدش هينتخب الحكومه علشان
المواطن مش حاسس إن الحكومه دي معمولع له بالعكس كلنا حاسين إن الحكومه معموله علينا مش لينا
أنا ما بنكرش إن فيه توسع وإنجازات بس إحنا بنزين قشرة البيض لكن البيض من جواه فاسد
الشاب بيتخرج يا رايس وأول سؤال بيتسأله معاك شهاده إيه غير البكالوريوس ( كمبيوتر أو لغه أو كورسات من معاهد
بريطانيه وأمريكيه ) يعني الشاب محتاج يصرف قد إللي صرفه أضعاف بعد التخرج علشان يتأهل لسوق العمل
طب سنين التعليم دي كانت فايدتها إيه يا رايس
الشرطه في خدمة الشعب ( بس الشعب إللي يدفع قبل ما يعمل المحضر) ولو ما دفعتش ماحدش هيسأل فيك
سواق الميكروباص بيخاف من أمين الشرطه حتي ولو ماعندهوش مخالفه وتاجر المخدرات في الشارع بيبيع وما بيخافش من
حد بالرغم من إنه مسجل
مش هقدر أقول أكتر من كده وما خفي كان أعظم
يا ريت يا رايس نظره لنا عن قرب
ضع تعليقك :///////////////////////////////////////////////////////////////////////////////////////////////////
الجمعة 3 يونيو 2016 - 22:30
