|
| Hard Times
  الأربعاء 27 مايو 2009 - 19:39 | | الارق !!! .
يوسف ...
شاب في الخامسة والعشرون من عمره ..
كانت حياته قبل هذا العمر مليئة بالصخب والترف والراحة ...
والنووووووووووم ....
- طلعت الاول علي الدفعة , ههههههههههههههههه !!
- وانا التاني , ممتاز قوي .
- الاول في الكلية الشرطة ده شرف كبير يا علي .
- طبعا يا يوسف , خاصة لما تبقي منتاش من القاهرة مثلا .
- طبعا , الحمد لله .
- اه طبعا الحمد لله , بس انا عايز عزومة الكباب اللي اتفقنا عليها .
- طيب يا علي انا رايح مشوار وهاجيلك بالليل .
- رايح فين ؟ تعالي يا معلمي انا مش هسيبك .
- ده انت عيل .... ؟ خلاص يا عم يللا بينا .
- هههههههههههههههه
اصدقاء من زمااااااااااااان , علي ويوسف , دخلا معا كلية الشرطة عن اقتناع منهم , وها هم يتخرجون كاوائل فيها , وسيتوجهون للعمل فورا , ولم لا وخال علي لواء من لواءات الداخلية !!
لم ياخذوا فترة طويلة للانسجام مع العمل كشرطيين , بل كانوا من افضل الرجال الموجودين في اماكنهم , وبالفعل كان كل شئ علي ما يرام الي ان اتت اليهم تلك المامورية الصعبة !!
- اندهولي علي ويوسف حالا .
- حاضر يا فندم .
يدخل الاثنان علي قائدهم وهم يبتسمون ..
- تمام يا فندم .
- فيه ملف قضية صعب قوي , وانا منتظر انكوا انتوا الاتنين اللي تحلوه .
- احنا تحت امرك يا فندم .
- الامر لله وحده , فيه حادثة اغتصاب وقتل في ... وعايزكم تروحوا هناك تعاينوا الموقع , ولسه لحد دلوقت لم يستدل علي القاتل , ومش لاقيين أي حاجه عنه .
- والموضوع ده تم امتي يا فندم ؟
- امبارح الساعة 3 الفجر يا يوسف .
- اطمن يا فندم , كل شئ هيبقي تمام .
- اوك يا علي , بالتوفيق يا جماعة , انا املي فيكم كبير .
- ان شاء الله خير يا فندم .
والبقية تاتي ...
ضع تعليقك :///////////////////////////////////////////////////////////////////////////////////////////////////
|
| | | | ????
| الخميس 28 مايو 2009 - 0:49 | | الارق !!! .
الله عليك يا يوسف تسلم ايدك بجد الموضوع تحفه ويا ريت تكمل القصه لان شكلها جميل اوي
ضع تعليقك :///////////////////////////////////////////////////////////////////////////////////////////////////
|
| | | | Hard Times
| الخميس 28 مايو 2009 - 20:33 | | الارق !!! .
مشكور جدا علي الكلام والرد الجميل
ضع تعليقك :///////////////////////////////////////////////////////////////////////////////////////////////////
|
| | | | Hard Times
| الخميس 28 مايو 2009 - 20:37 | | الارق !!! .
عند نزولهم من علي سلم المركز , يحس علي بدوار شديد , ويكاد يسقط !!
- فيه ايه يا علي ؟
- مش عارف يا يوسف , حاسس اني تعبان قوي
- طيب يللا بينا نروح للدكتور
يتدخل زميلهم الثالث , سعيد ...
- روح انت يا يوسف ماموريتك , هاخد انا علي ونروح للدكتور .
- اجي يا علي ولا لا ؟
- لا يا يوسف , سعيد هييجي معايا , روح انت المامورية وخد علاء معاك .
- اوك يا علي .
يذهب يوسف وعلاء بالفعل لمعاينة موقع الحادثة ..
- حادثة اغتصاب وقتل , ومفيش أي دليل علي القاتل لحد دلوقت .
- لا يا علاء , اكيد فيه دليل , احنا بس ندور كويس .
- ( بزهق ) يا يوسف ازاي ؟ مفيش أي شواهد ضد القاتل .
- يا علاء مفيش جريمة كاملة , احنا بس ندور كويس
- انا عامة عملت اللي عليا .
لا يفضل يوسف العمل معه , ولا يفضل علاء عمل يوسف , علاء كسول جدا ولا يعمل بجد , وليس لديه قدرة علي الابداع في التفكير .. لذا فكان لزاما علي يوسف ان يفكر وحده , وبالفعل توصل لدليل !!
- كان لازم يبقي فيه دليل , بس ياتري ده ايه ؟ انا لازم اوديه للمعمل الجنائي يشوفوه , بس شكله كده مخدر .
- اها يا يوسف , شكله مخدر فعلا .
- اوك , يبقي احنا دلوقت نروح نوديه بسرعة ونشوف هيسفر عن ايه .
يترك يوسف علبة العقار المخدر ويذهب الي علي في المشفي , فيجده في حالة يرثي لها .
- ايه يابني مالك ؟
- حالة هبوط بس , بيقولوا انه عندي زيادة في ضربات القلب .
- طيب والموضوع ده هتقعد فيه قد ايه ؟
- بيقولوا اني لازم اقعد تحت الرعاية مدة ماتقلش عن اسبوعين
- اوك يا لولو , عامة انا هقعد معاك هنا .
- والشغل ؟
- هروح الشغل وارجعلك .
- ربنا يخليك ليا يا يوسف .
- ماعنديش اغلي منك يا لول .
البقية تاتي ...
ضع تعليقك :///////////////////////////////////////////////////////////////////////////////////////////////////
|
| | | | magico
| الجمعة 29 مايو 2009 - 16:54 | | الارق !!! .
هاااااااااااااااااا
فين الباقى يا يوسف
ياريت القصة كامله
وبجد نفسى اشوف الحلقة الاخيرة
ضع تعليقك :///////////////////////////////////////////////////////////////////////////////////////////////////
|
| | | | ????
| السبت 30 مايو 2009 - 15:49 | | الارق !!! .
الله عليك يا يوسف بجد روعه كمل كمل كمل
ضع تعليقك :///////////////////////////////////////////////////////////////////////////////////////////////////
|
| | | | Hard Times
| الأربعاء 10 يونيو 2009 - 11:36 | | الارق !!! .
شكرا لردودكم الجميلة
ضع تعليقك :///////////////////////////////////////////////////////////////////////////////////////////////////
|
| | | | Hard Times
| الأربعاء 10 يونيو 2009 - 12:05 | | الارق !!! .
كان من الممكن ان تري تلك النظرة المليئة بالتحدي في عيون يوسف .. حتي لو لم يكن قد ارتاح لمدة يومين كاملين !!
لكنه – وكاي بشري – كان من الطبيعي ان يخطئ .. لكن من حظه السئ ان يري خطاه هذا اشد عدو له .. ورفيقه في المهمة الموكلة اليه .. علاء !!
فلقد قصد احد اقارب يوسف اليه لكي يخرج له ترخيص معين .. واخرجه له يوسف بعمل حيلة معينة .. وهذا شئ عادي بالنسبة لهذا الوسط .. لكن علاء علم بالموضوع لمراقبته ليوسف .. وقال ليوسف بانه سوف يبلغ مديريه .. وهكذا اصبح يوسف مهددا !!!
لكن كل هذا لم يكن يبرر ليوسف ما سوف يفعله .. لكن عوامل اخري هي ما اثرت عليه .. الارق !!
كان هذا اليوم سوف يخرج يوسف وعلاء لكي يعاينوا مكان الجريمة ثانية .. واخذ يوسف ( وبدون علم أي احد ) مسدس عيار 9 مل معه وهو ذاهب للمعاينة .
وعندما وصلا لمكان الجريمة .. قال علاء ليوسف :
- ايه يا نجم .. قلت ايه علي الموضوع بتاعنا ؟
- موضوع ايه يا علاء ؟
- انا رايح اكلم المدير بتاعنا النهاردة في موضوع الرخصة اللي خرجتها لقريبك دي .
- يا علاء اعمل اللي انت عايزة .. بس بجد هتندم .
- ندمني يا يوسف , بجد عايزك تندمني .
- يا علاء ماتستثيرنيش .. بجد خليني ساكت .
- لا يا يوسف ( وبدا الاحتكاك به ) انا عايزك توريني اخرك .
بحركة مباغتة بعد دفعة علاء له .. يخرج يوسف المسدس من جرابه ويطلق رصاصة واحدة في عنق علاء ويرديه قتيلا !!
ويرفع يوسف هاتفه المحمول لكي يكلم مركز الشرطة :
- ابعتوا عربية اسعاف بسرعة .. فيه رصاصة اصابت علاء واحنا بنعاين المكان !!
وبالفعل تصل عربة الاسعاف ولكنها لم تكن بالسرعة الكافية لكي تلحق بعلاء وهو حي .
- علاء مات يا علي .
- لا حول ولا قوة الا بالله .. انا لله وانا اليه لراجعون .
- البقاء لله .
- لازم يا يوسف مانسكتش غير لما نعرف مين اللي قتله .
- ان شاء الله يا علي .
- ده صاحبنا يا يوسف ولازم احنا اللي ندور .
- ان شاء الله يا علي .
- مالك يا يوسف ؟
- بقالي 3 ايام مانمتش يا علي وعايز اروح البيت انام شوية .
- اوك يا يوسف , نتقابل في العزا .
- اوك يا علي , سلام
- سلام
والبقية تاتي ..
ضع تعليقك :///////////////////////////////////////////////////////////////////////////////////////////////////
|
| | | | ????
| الجمعة 12 يونيو 2009 - 16:57 | | الارق !!! .
الله عليك بجد هايل كمل بسرعه بقى
ضع تعليقك :///////////////////////////////////////////////////////////////////////////////////////////////////
|
| | | | Hard Times
| الجمعة 12 يونيو 2009 - 21:39 | | الارق !!! .
يظن الجميع ان القتل سهل بالنسبة لشرطي , لكن اصعب شئ يتخيله عقل وقلب رجل الشرطة هو ان يقتل !!
بعد ان ترك يوسف علي وذهب لبيته لكي يرتاح قليلا ويخلد الي النوم , ذهب لبيته ولكنه لم يستطع النوم ولو للحظة , حاول كثيرا ولكن لم تفلح محاولاته , بعد العديد من المحاولات والاقتتال مع عينيه لكي يغلقهما , بالفعل اغلق عينيه ولكنه لم يكمل سوي 3 ثوان !! فاذا بالهاتف الارضي يرن ..
- الو
- ايوة يا يوسف يللا علشان العزا بتاع علاء .
- اوك يا علي هقابلك هناك سلام
- سلام
وبالفعل اقيم العزاء , وتالمت احشاء يوسف كثيرا عندما راي مشهد بكاء ابو علاء , لكنه كان قويا وقادر الا يخرج انفعالاته ..
في اليوم التالي كان يجب عليه ان يعمل ساعيا لكي يكتشف قاتل الفتاة في اقرب وقت ممكن , خاصة انه طلب ان يتولي التحقيق في هذه الجريمة وحده ..
كانت تدورالشبهات حول ثلاثة : صديق لها كان بينهم قصة حب , وشاب اخر كان يحبها جدا , وجار لهم كبير في السن ..
لكن بالفعل لم يكن لديه دليل علي أي واحد فيهم !!
- ايه يا يوسف ؟ مش عارف تلاقي حاجه عليهم ؟
- مش عارف يا علي ..
- اساعدك في الموضوع ده ؟
- شكرا يا علي , بس بجد انا عايز احل الموضوع ده لوحدي هيبقي افضل قوي .
- اوك براحتك يا صاحبي
واذا به جالس في محل عمله , اذا بهاتفه المحمول يرن ..
- الو
- ايوة يا يوسف بيه
- ايوة مين معايا ؟
- انا اللي قتلت مها اللي انت بتحقق في جريمتها !!
- ( بكل دهشة ) مين ؟
- انا عايزك تقابلني لوحدك في عنوان كذا
- اوك جايلك
- لو جيتلي ومعاك حد اقسم بالله مش هترجع تاني شغلك
- ماتقلقش انا لما بقول كلمه بوفيها
- اوك سلام
- سلام
من هو القاتل ؟ ماذا سيفعل يوسف في عندما يذهب اليه ؟
يتبع ...
ضع تعليقك :///////////////////////////////////////////////////////////////////////////////////////////////////
|
| | | | tarek tito
| الجمعة 12 يونيو 2009 - 22:13 | | الارق !!! .
حلو شغل الافلام البوليسية ده
ضع تعليقك :///////////////////////////////////////////////////////////////////////////////////////////////////
|
| | | | tarek tito
| الجمعة 12 يونيو 2009 - 22:22 | | الارق !!! .
كمل ياباشا.الموضوع جامد
ضع تعليقك :///////////////////////////////////////////////////////////////////////////////////////////////////
|
| | | | tarek tito
| الجمعة 12 يونيو 2009 - 22:25 | | الارق !!! .
شوقنا اكتر
ضع تعليقك :///////////////////////////////////////////////////////////////////////////////////////////////////
|
| | | | tarek tito
| الجمعة 12 يونيو 2009 - 22:27 | | الارق !!! .
وبعدين
ضع تعليقك :///////////////////////////////////////////////////////////////////////////////////////////////////
|
| | | | M.r.sh.a.l
| السبت 13 يونيو 2009 - 17:07 | | الارق !!! .
خلصت كدا يا مان ولا لسة
ضع تعليقك :///////////////////////////////////////////////////////////////////////////////////////////////////
|
| | | | ????
| السبت 13 يونيو 2009 - 17:09 | | الارق !!! .
الله عليك يا يوسف شوقتنا كمل بسرعه عايزة اعرف مين القاتل
ضع تعليقك :///////////////////////////////////////////////////////////////////////////////////////////////////
|
| | | | Hard Times
| السبت 13 يونيو 2009 - 17:32 | | الارق !!! .
عندما وصل يوسف للمكان المتفق عليه .. وجد ما كان يتوقعه !!
فلقد وجد نفسه امام الجار المسن ( عطية ) , واقفا ينظر اليه من خلف النظارة الكبيرة وبعينين زرقاوين , كان في حوالي الخمسون من العمر , وكان من الصعب ان يتوقع الجميع ان يفعل مثله جريمة مثل تلك , لكنه بالفعل كان فاعلها !!
- انت ؟ طيب ليه عملتها ؟
- كنت بحبها , وكنت بحاول اكلمها وكانت بترفضني , فعملت اللي كان لازم عليا اعمله , هههههههههه
- دي قد بنتك , طيب ليه كلمتني دلوقت علشان تقابلني ؟
- علشان اقولك لو حد اكتشف انه انا قوم بدورك واقنعهم ان حد تاني .
- وهتعمل ايه علشان تخليني اعمل كده ؟ هترشيني ؟
- لا رشوة ايه ؟ الاساليب دي قدمت خلاص , بس انت مش هتقدر تقول اني انا القاتل .
- ليه يعني ؟
- علشان انا شفتك وانت بتقتل علاء زميلك !!
- ( يخرج سلاحه سريعا ) انت بتقول ايه ؟
- هههههههههه , شفتك وانت بتقتل زميلك , هتعمل ايه ؟ هتقتلني ؟
- وايه مخليك واثق اني مقدرش اعملها ؟
- انك كل شئ مصور علي كذا شريط فيديو , وساعة لما البولي هيفتش عندي في الشقة هيشوفوا كل حاجه , ده غير اني شايل نسخة في الخزنة بتاعتي في البنك , اعمل اللي تحبه !!
- وانت طلباتك ايه يعني ؟
- زي مانا مش هقول عنك أي حاجه , انت كمان ماتقولش عني أي حاجه .
- اوك موافق
- وكمان الجريمة دي انت اللي تتولي التحقيق فيها وتثبت ان القاتل حد تاني .
- ( بضعف ) ماشي .
- اشوفك تاني يا .. يا يوسف بيه , هههههههههه !!
يرحل يوسف وهو ملئ بحزن شديد , ما الذي فعله ؟ لم تكن تلك اخلاقه !! لكن من يقتل يسهل عليه أي شئ .
كان للشاب الذي يحب الفتاة وهي لا تحبه دراجة نارية , فوضع بتانك البنزين فيه قطعة من ملابس الفتاة والحبل الذي قام عطية باستخدامه في قتل الفتاة , وعندما ذهبوا للتحقيق معه انكر الفتي بشدة ان يكون فعل هذا ( وهو صادق طبعا ) لكن عند البحث وصل يوسف ( بالطبع ) الي مكان سلاح الجريمة وقطعة من ملابس الضحية , وهكذا قد تم اخلاء يد ( عطية ) من تهمة قتل الفتاة , ونفذ يوسف وعده الدنئ معه !!
تبقي ان يخرج يوسف نفسه من ازمة قتل علاء التي لم يكن هو متورط فيها , لذا فقد قيدت القضية ضد مجهول علي اعتبار ان يوسف لم يري من اطلق الرصاصة , ولم يري ماذا حدث بالفعل ..
وهكذا تستمر الحياة بمرها القاسي , وحينما جلس يوسف مع علي ليحتفل بانتصار يوسف في ماموريته , احس علي بشئ غريب , وحينما هب الاثنان واقفين ليهنئوا بعضهما بالانتصار , تحسس علي ظهر يوسف فوجد مسدس ( علي الرغم من ان يوسف لم يكن يفعلها ابدا ) حينها تيقن علي ان هناك شئ ما ليس علي ما يرام ..
لم يتبق سوي الحلقة الاخيرة , يتبع ..
ضع تعليقك :///////////////////////////////////////////////////////////////////////////////////////////////////
|
| | | | ????
| السبت 13 يونيو 2009 - 18:32 | | الارق !!! .
تسلم بجد القصه تحفه
كملها بسرعه بقى وهات قصص تانيه كمان
ضع تعليقك :///////////////////////////////////////////////////////////////////////////////////////////////////
|
| | | | Hard Times
| السبت 20 يونيو 2009 - 20:31 | | الارق !!! .
من الممكن ان تكون الجريمة مكتملة عندما يكون القاتل قد خطط لها باحكام , ولكن عندما تكون الجريمة قائمة علي شئ مادي غير ملموس ومن الممكن الاستيقاظ منه وهو ( الارق ) , فكل شئ قابل للتعديل ...
لذا , اصر ( علي ) ان يبحث وراء ما يشك فيه وبالفعل بحث في السجلات وجد انه يوم خروج يوسف وعلاء للمأمورية قد سحب يوسف مسدس من عيار 9 مل وبدون علم احد , فذهب الي مكان الجريمة عله يجد شيئا , وبالفعل وجد عيار ناري فارغ من مسدس عيار 9 مل .. وهكذا اتضحت الرؤية عند علي ..
يوسف هو القاتل الخفي لعلاء !!
كمية من الذهول المشوبة بعدم التصديق وبتكذيب الذات لاحقت الصديق الوفي , لم يصدق ان يكون صديقه مثال الشرف هو القاتل .. لكنه كان لابد ان يواجه صديقه ..
لكن هناك من كان يراقب علي , ولا يريد ان يعرف احد عن هذا الموضوع والا سيفضح امره , ( عطية ) الذي كان يري ما يفعله علي , واعد الخطة لاختطافه وقتله .. وبالفعل اتصل علي ( علي ) علي هاتفه النقال واخبره ان يقابله عند منطقة معينة قريبه من بيته ( أي بيت عطية ) علي البحر لكي يخبره من قتل علاء ..
وعلي الرغم من معرفة علي بقاتل علاء , لكنه ذهب لعله يجده قاتل اخر غير يوسف , لكن عند وصوله اذا بهراوة تنزل علي راسه وتودعه في غيبوبة عميقة .. ويبتسم عطية ابتسامة القاتل الذي يظن انه قد انتصر ..
لكن كان هناك ايضا من يراقب تصرفات عطية , ويقوم بعمله علي الرغم من خوفه , يوسف , الذي راي ما فعله عطية فذهب خلفه الي بيته علي الشاطئ , وظل يراقب الموقف , فاذا بعلي يستيقظ بعد ان ربطه عطية بالحبال الي كرسي خشبي ..
- انت مين ؟
- انا اللي قتلت ( مها ) , انا القاتل الحقيقي اللي شاف صاحبك وهو بيقتل زميله , وصاحبك اتستر عليا علشان ماوديهوش في داهية .
- يوسف عمل كده ؟
- اه عمل كده , وكان مستعد يعمل اكتر من كده عشلان ينقذ نفسه , بس عامة اتشاهد علي روحك علشان تحصل علاء .
يدخل يوسف فجاة ..
- اهو ده مش هيحصل ابدا يا عطية ..
- انت عايز ايه ؟
- فك علي علشان ماقتلكش .
- افهم يا يوسف , علي ده في ايديه ان يودينا احنا الاتنين لحبل المشنقة ..
- والله لو هيوديني جهنم , فكه احسن لك يا عطية .
فاذا بعطية وبحركة خاطفة يضرب يد يوسف الممسكة بالمسدس , ثم ينقض عليه ويطرحه ارضا ويضربه بعصا علي راسه , ويخرج راكضا ..
يقف يوسف بعد ان افاق من خبطته , ويفك قيود علي , واذا بعلي يقف ويخرج مسدسه وبحزم يقول ..
- ارفع ايديك يا يوسف , انت مقبوض عليك بتهمة قتل علاء .
يجلس يوسف ارضا , ويقول بتأوه ..
- انا تحت ايدك , خرج الكلبشات واحطها في ايدي , بس ارجوك عايز انام .
- مش هلومك يا صاحبي , بس مكانش فيه أي مبرر للي عملته , حتي لو كان علاء بيرفع عليك سلاحه .
- انا بجد مانمتش يا علي , ارجوك عايز انام حتي لو في السجن , بس انام .
فاذا برصاصة تخترق زجاج المنزل وتصطدم بالحائط المجاور لعلي , واذا بعطية في المنزل المقابل لهم يحاول ان يقتلهم ..
- يوسف , معاك سلاح ؟
- ايوة معايا يا علي .
- يشرفني ان تبقي دي اخر عملية بينا .
- وانا موافق , اقف انت هنا وحاول تخليه مايشوفنيش وانا هنزل من تحت الارض الخشبية وهمشي في الميه وادخل عندها في البيت من خشب الارضية ..
- اوك يا يوسف
بالفعل ينفذ يوسف وعلي ما خططوا له , ويدخل يوسف بالفعل علي عطية ..
- ارمي سلاحك يا عطية , معادش قدامك أي فرصة تانية للهرب .
- هتضحي بنفسك يا يوسف وبتاريخك مقابل حاجه غبية اصمها صاحبك .
- انا تخليت عن مبادئي مرة , وصاحبي مالوش أي ذنب في اني كنت اناني وسئ .
وللمرة الثانية , ولافتقاده التركيز , لم يلحظ ان عطية يخرج مسدسه من وراء ظهره , ثم يطلق الرصاص في حركة خاطفة علي يوسف , الذي يرد بدوره علي عطية بطلقة في حلقه ترديه قتيلا فورا ..
يخرج علي من منزل عطية متوجها للمنزل المقابل .. وهو في منتصف الطريق اذا بيوسف يخرج من المنزل المقابل وهو يترنح , يلحقه علي قبل ان يسقط ارضا ..
- ( وهو يبكي ) ماتموتش يا يوسف .
- مش بايدي يا علي , خلاص كل شئ انتهي .
- ماتقلقش , ماحدش خالص هيعرف اللي حصل .
- لا يا علي , لازم الكل يعرف اللي حصل , لازم الناس البريئة اللي في السجن تخرج وتشم النور , علشان انا علي الاقل اخد حسنة يا علي , سامحني يا علي .
- مسامحك يا يوسف , مسامحك .
- اشهد ان لا اله الا الله , واشهد ان سيدنا محمدا رسول الله .
تمت بحمد الله ..
ضع تعليقك :///////////////////////////////////////////////////////////////////////////////////////////////////
|
| | | | ????
| السبت 20 يونيو 2009 - 20:41 | | الارق !!! .
بجد نهايه جامده تسلم ايدك يا يوسف
هات قصه كمان بقى
ضع تعليقك :///////////////////////////////////////////////////////////////////////////////////////////////////
|
| | | | Hard Times
| السبت 20 يونيو 2009 - 20:44 | | الارق !!! .
متشكر قوي علي الرد الجميل
ان شاء الله يبقي فيه حاجه مختلفة تماما قريب
ضع تعليقك :///////////////////////////////////////////////////////////////////////////////////////////////////
|
| | | | ahlawy 3alatool
| السبت 4 يوليو 2009 - 21:44 | | الارق !!! .
جميل اوي تسلم ايدك
ضع تعليقك :///////////////////////////////////////////////////////////////////////////////////////////////////
|
| | | | ahlawy 3alatool
| السبت 4 يوليو 2009 - 21:52 | | الارق !!! .
تسلم يا مان على القصه بجد جامده
ضع تعليقك :///////////////////////////////////////////////////////////////////////////////////////////////////
|
| | | | ahlawy 3alatool
| السبت 4 يوليو 2009 - 21:58 | | الارق !!! .
تسلم يا غالي على القصه دي جامده اوي
واسلوبك كمان حلو
ضع تعليقك :///////////////////////////////////////////////////////////////////////////////////////////////////
|
| | | | ahlawy 3alatool
| السبت 4 يوليو 2009 - 22:04 | | الارق !!! .
تسلم يا غالي على القصه بجد جامده
ضع تعليقك :///////////////////////////////////////////////////////////////////////////////////////////////////
|
| | | | |
الارق !!! الارق !!!
| تدفق ال  | |
|
