الجمعة 3 يونيو 2016 - 22:30
حسني مبارك.. مندوب مبيعات!
.
الو..سلام عليكم ممكن أعمل أوردر
- اتفضل يا باشا
* عايز فرخة مشوية ونص كيلو كباب وكفتة
- حاجة تاني
* شكرا، كده تمام قوي
- باسم مين الطلب
* حسني مبارك، 3 شارع المريويطية ، الهرم..
- على فكرة أنت إنسان بارد، شايف الدنيا ناقصة خفة يا خفيف، جتكو نيلة مليتو البلد.
ما قرأته في السطور السابقة ليس نكتة ولا يدخل في إطار الهزار الثقيل، ولكنه الواقع بحذافيره، وربما يكون الحدث اليومي الذي يواجه المواطن حسني مبارك، ليس الرئيس طبعا ولكنه مجرد تشابه أسماء، والفرصة لا تكون سعيدة في كل الأحيان فمواقف حسني مع اسمه تجعل مشاكله أكثر.
أنا مش رئيس
"انا اسمي حسني مبارك من مواليد سوهاج ولما اتولدت مكنش الرئيس بقي رئيس ولا اسمه ظهر لأن عمري 45 سنة ومتجوز وعندي بنت وولد البنت اسمها فاطمة والولد اسمه محمد، يعني اسم ابني محمد حسني مبارك، يعني اسم الرئيس فعلا، لكني لم أقصد ذلك، فقط أنا أحب اسم محمد والنبي قال خير الاسماء ما حمد وعبد وسميته محمد ولا في نيتي حاجة"، هكذا اختصر شبيه اسم الرئيس حكايته في عدة أسطر لم تعبر بعد عن حكايتها ولكنها مهدت لها.
ولأن مش أي حسني يبقى رئيس، فحسني مبارك الذي نتحدث معه يعمل مندوب مبيعات في شركة مقاولات، تسبب اسمه في كثير من المواقف المضحكة وربما المحزنة أحياناً وعن أحدها قال: "مرة كنت مسافر أوصل طلبية للغردقة وأنا ماشي علي الطريق وقفتني لجنة وطبعا طلبوا رخصتي، والحمد لله كانت كل حاجة تمام، ولكن الضابط أصر على سحب رخصتي ولما سالته عن السبب قالي إن اسمي حسني مبارك فعايز يسحبها عشان يحلف يمين صادق للضباط أصدقائه أنه سحب رخصة حسني مبارك"!
كما أشار مبارك "المواطن" أن ما حدث يتكرر كثيراً في حياته، فالطبيعي أن يكون مثار هزل للناس بسبب اسمه، مستشهداً بمواقفه المضحكة في الهيئات الحكومية التي لا تخلو من عبارات شهيرة للموظفين لمجرد معرفة اسمه في البطاقة "المنحة ياريس" و" البلد ياريس" وحاجات كده.
ابن الوز
ويبدو أن حسني اختار أن يظل دوما في دائرة الضوء عبر اسم ابنه "محمد" ليكون الوريث يحمل اسم الرئيس بالضبط، ولكن مواقف محمد اختلفت عن مواقف والده لأنها تسببت في دفع مبالغ باهظة من المال لأنه زبون "VIP"، وفقا لما حدث مع زوجته عندما ذهبت لطبيب الأطفال بعد شكوى ابنها من ارتفاع في درجة الحرارة ليصر الطبيب على تحصيل ثمن تذكرة غالية الثمن لأنه الرئيس بذات نفسه اللي بيكشف عنده.
ويبدو أن وزارة الصحة لها عشم كبير عند الرئيس، فلم يقف الأمر عند الطبيب فقط بل أصرت ممرضة الوحدة الصحية على الحصول على مبلغ 10 جنيه عند أول تطعيم للرئيس الصغير لأنه رئيس، هذا بالإضافة إلى قائمة طلبات "عيال" مثل بامبرز يا ريس، عايز كورة يا ريس، واء نفسي في مولتو ياريس..
"الاسم ده غلبني.. أنت عارف واحد صاحبي قال لي سمي ابنك اللي جاي جمال قلت له هي ناقصة.. افرض جمال بقي ريس الولد يتعقد وهو صغير، المشكلة ان الاسم ما خدمنيش يعني اسمي على اسم الريس وبتأذي بسبب الاسم.. مش بتشال علي الراس، فيه ناس قالت لي ابعت صورة الواد محمد حسني مبارك ابني للريس وأقول له إن اسمه زيك يمكن يبعتلي منحة.. بس أنا خفت بصراحة.. قلت خليني كده أحسن وأنا لو بايدي أغير اسمي فورا، أنا ناقص تريقة وقلة مزاج وضحك ده مفيش حد سمع الاسم، إلا لما اتريق قال حسني مبارك قال"..
هكذا أنهى مبارك المواطن قصته، تعتقد لو اسمك على اسم الرئيس كنت هاتعمل ايه؟
*
ضع تعليقك :///////////////////////////////////////////////////////////////////////////////////////////////////
.
- اتفضل يا باشا
* عايز فرخة مشوية ونص كيلو كباب وكفتة
- حاجة تاني
* شكرا، كده تمام قوي
- باسم مين الطلب
* حسني مبارك، 3 شارع المريويطية ، الهرم..
- على فكرة أنت إنسان بارد، شايف الدنيا ناقصة خفة يا خفيف، جتكو نيلة مليتو البلد.
ما قرأته في السطور السابقة ليس نكتة ولا يدخل في إطار الهزار الثقيل، ولكنه الواقع بحذافيره، وربما يكون الحدث اليومي الذي يواجه المواطن حسني مبارك، ليس الرئيس طبعا ولكنه مجرد تشابه أسماء، والفرصة لا تكون سعيدة في كل الأحيان فمواقف حسني مع اسمه تجعل مشاكله أكثر.
أنا مش رئيس
"انا اسمي حسني مبارك من مواليد سوهاج ولما اتولدت مكنش الرئيس بقي رئيس ولا اسمه ظهر لأن عمري 45 سنة ومتجوز وعندي بنت وولد البنت اسمها فاطمة والولد اسمه محمد، يعني اسم ابني محمد حسني مبارك، يعني اسم الرئيس فعلا، لكني لم أقصد ذلك، فقط أنا أحب اسم محمد والنبي قال خير الاسماء ما حمد وعبد وسميته محمد ولا في نيتي حاجة"، هكذا اختصر شبيه اسم الرئيس حكايته في عدة أسطر لم تعبر بعد عن حكايتها ولكنها مهدت لها.
ولأن مش أي حسني يبقى رئيس، فحسني مبارك الذي نتحدث معه يعمل مندوب مبيعات في شركة مقاولات، تسبب اسمه في كثير من المواقف المضحكة وربما المحزنة أحياناً وعن أحدها قال: "مرة كنت مسافر أوصل طلبية للغردقة وأنا ماشي علي الطريق وقفتني لجنة وطبعا طلبوا رخصتي، والحمد لله كانت كل حاجة تمام، ولكن الضابط أصر على سحب رخصتي ولما سالته عن السبب قالي إن اسمي حسني مبارك فعايز يسحبها عشان يحلف يمين صادق للضباط أصدقائه أنه سحب رخصة حسني مبارك"!
كما أشار مبارك "المواطن" أن ما حدث يتكرر كثيراً في حياته، فالطبيعي أن يكون مثار هزل للناس بسبب اسمه، مستشهداً بمواقفه المضحكة في الهيئات الحكومية التي لا تخلو من عبارات شهيرة للموظفين لمجرد معرفة اسمه في البطاقة "المنحة ياريس" و" البلد ياريس" وحاجات كده.
ابن الوز
ويبدو أن حسني اختار أن يظل دوما في دائرة الضوء عبر اسم ابنه "محمد" ليكون الوريث يحمل اسم الرئيس بالضبط، ولكن مواقف محمد اختلفت عن مواقف والده لأنها تسببت في دفع مبالغ باهظة من المال لأنه زبون "VIP"، وفقا لما حدث مع زوجته عندما ذهبت لطبيب الأطفال بعد شكوى ابنها من ارتفاع في درجة الحرارة ليصر الطبيب على تحصيل ثمن تذكرة غالية الثمن لأنه الرئيس بذات نفسه اللي بيكشف عنده.
ويبدو أن وزارة الصحة لها عشم كبير عند الرئيس، فلم يقف الأمر عند الطبيب فقط بل أصرت ممرضة الوحدة الصحية على الحصول على مبلغ 10 جنيه عند أول تطعيم للرئيس الصغير لأنه رئيس، هذا بالإضافة إلى قائمة طلبات "عيال" مثل بامبرز يا ريس، عايز كورة يا ريس، واء نفسي في مولتو ياريس..
"الاسم ده غلبني.. أنت عارف واحد صاحبي قال لي سمي ابنك اللي جاي جمال قلت له هي ناقصة.. افرض جمال بقي ريس الولد يتعقد وهو صغير، المشكلة ان الاسم ما خدمنيش يعني اسمي على اسم الريس وبتأذي بسبب الاسم.. مش بتشال علي الراس، فيه ناس قالت لي ابعت صورة الواد محمد حسني مبارك ابني للريس وأقول له إن اسمه زيك يمكن يبعتلي منحة.. بس أنا خفت بصراحة.. قلت خليني كده أحسن وأنا لو بايدي أغير اسمي فورا، أنا ناقص تريقة وقلة مزاج وضحك ده مفيش حد سمع الاسم، إلا لما اتريق قال حسني مبارك قال"..
هكذا أنهى مبارك المواطن قصته، تعتقد لو اسمك على اسم الرئيس كنت هاتعمل ايه؟
* ضع تعليقك :///////////////////////////////////////////////////////////////////////////////////////////////////
